Man accused of plotting shooting at New York Jewish centre extradited to U.S.

ਨਿਊਯਾਰਕ ਦੇ ਯਹੂਦੀ ਕੇਂਦਰ 'ਤੇ ਗੋਲੀਬਾਰੀ ਦੀ ਸਾਜ਼ਿਸ਼ ਰਚਣ ਵਾਲੇ ਵਿਅਕਤੀ ਨੂੰ ਕੀਤਾ ਗਿਆ ਅਮਰੀਕਾ ਹਵਾਲੇ

Share On

man-accused-of-plotting-shooting-at-new-york-jewish-centre-extradited-to-u-s

The Mounties said at the time he was in the process of planning a deadly attack targeting Jewish people in the U.S. and was facing charges in Canada.(Photo: The Canadian Press)

ਕੈਨੇਡਾ ਨੇ ਸਟੱਡੀ ਵੀਜ਼ਾ'ਤੇ ਆਏ ਪਾਕਿਸਤਾਨੀ ਨਾਗਰਿਕ ਨੂੰ ਨਿਊਯਾਰਕ ਦੇ ਯਹੂਦੀ ਕੇਂਦਰ 'ਤੇ ਸਮੂਹਿਕ ਗੋਲੀਬਾਰੀ ਦੀ ਸਾਜ਼ਿਸ਼ ਰਚਣ ਦੇ ਮਾਮਲੇ ਵਿਚ ਅਮਰੀਕਾ ਹਵਾਲੇ ਕਰ ਦਿੱਤਾ ਹੈ। ਆਰ.ਸੀ.ਐਮ.ਪੀ.ਨੇ ਪਿਛਲੇ ਸਾਲ ਸਤੰਬਰ ਵਿਚ ਕਿਊਬੈਕ ਵਿਚ ਮੁਹੰਮਦ ਸ਼ਾਹਜ਼ੇਬ ਖਾਨ ਨੂੰ ਗ੍ਰਿਫਤਾਰ ਕੀਤਾ ਸੀ।

ਆਰ.ਸੀ.ਐਮ.ਪੀ.ਨੇ ਉਸ ਸਮੇਂ ਕਿਹਾ ਸੀ ਕਿ ਉਹ ਅਮਰੀਕਾ ਵਿਚ ਯਹੂਦੀ ਭਾਈਚਾਰੇ ਦੇ ਲੋਕਾਂ 'ਤੇ ਵੱਡੇ ਹਮਲੇ ਦੀ ਯੋਜਨਾ ਵਿਚ ਸੀ। ਕੈਨੇਡਾ ਵਿਚ ਵੀ ਉਸ ਖਿਲਾਫ ਚਾਰਜ਼ਿਸ ਲਗਾਏ ਗਏ ਸਨ। ਅਮਰੀਕਾ ਵਿਚ ਹੁਣ ਉਹ ਵਿਦੇਸ਼ੀ ਅੱਤਵਾਦੀ ਸੰਗਠਨ ਨੂੰ ਮੂਲ ਸਹਾਇਤਾ ਦੇਣ ਤੇ ਸਰਹੱਦ ਤੋਂ ਪਾਰ ਅੱਤਵਾਦ ਨੂੰ ਅੰਜਾਮ ਦੇਣ ਦੀ ਕੋਸ਼ਿਸ਼ ਕਰਨ ਦੇ ਦੋਸ਼ਾਂ ਸਾਹਮਣਾ ਕਰ ਰਿਹਾ ਹੈ।

ਅਮਰੀਕਾ ਦੇ ਨਿਆਂ ਵਿਭਾਗ ਮੁਤਾਬਕ, ਉਸ ਦੀ ਯੋਜਨਾ ਇਜ਼ਰਾਈਲ ਵਿਚ ਹਮਾਸ ਹਮਲੇ ਦੀ ਪਹਿਲੀ ਵਰ੍ਹੇਗੰਢ ਮੌਕੇ 7 ਅਕਤੂਬਰ, 2024 ਨੂੰ ਨਿਊਯਾਰਕ ਵਿਚ ਯਹੂਦੀ ਕੇਂਦਰ ਵਿਚ ਆਈ.ਐਸ.ਆਈ.ਐਸ.ਦੀ ਸਪੋਰਟ ਵਿਚ ਸਮੂਹਿਕ ਗੋਲੀਬਾਰੀ ਨੂੰ ਅੰਜਾਮ ਦੇਣਾ ਸੀ।

ਅਮਰੀਕਾ ਦੇ ਖੁਫੀਆ ਕਾਨੂੰਨ ਲਾਗੂ ਕਰਨ ਵਾਲੇ ਅਧਿਕਾਰੀ ਨੇ ਉਸ ਦੀ ਸਾਜਿਸ਼ ਦਾ ਪਰਦਾਫਾਸ਼ ਕੀਤਾ,ਜਿਸ ਮਗਰੋਂ 4 ਸਤੰਬਰ, 2024 ਨੂੰ ਕੈਨੇਡੀਅਨ ਅਧਿਕਾਰੀਆਂ ਨੇ ਉਸ ਨੂੰ ਅਮਰੀਕਾ ਦੀ ਸਰਹੱਦ ਪਾਰ ਕਰਨ ਤੋਂ ਲਗਭਗ 20 ਕਿਲੋਮੀਟਰ ਪਹਿਲਾਂ ਕਿਊਬੈਕ ਦੇ ਓਰਮਸਟਾਊਨ ਨੇੜੇ ਹਿਰਾਸਤ ਵਿਚ ਲੈ ਲਿਆ ਸੀ। ਜੇ ਖਾਨ ਦੋਸ਼ੀ ਠਹਿਰਾਇਆ ਜਾਂਦਾ ਹੈ ਤਾਂ ਉਸ ਨੂੰ ਵੱਧ ਤੋਂ ਵੱਧ ਉਮਰ ਕੈਦ ਦੀ ਸਜ਼ਾ ਹੋ ਸਕਦੀ ਹੈ।

ਸਰੀ ਵਿਚ ਇੱਕ ਡਰੱਗ ਨੈੱਟਵਰਕ ਦਾ ਪਰਦਾਫਾਸ਼ ਹੋਇਆ ਹੈ, ਜਿਸ ਦੇ ਸਬੰਧ ਵਿਚ ਪੁਲਿਸ ਨੇ ਫੈਂਟਾਨਿਲ, ਕੋਕੀਨ ਸਮੇਤ 56 ਕਿਲੋਗ੍ਰਾਮ ਤੋਂ ਵੱਧ ਨਸ਼ਾ ਜ਼ਬਤ ਕੀਤਾ। ਆਰ.ਸੀ.ਐਮ.ਪੀ. ਦੀ ਸਰੀ ਪ੍ਰੋਵਿੰਸ਼ੀਅਲ ਓਪਰੇਸ਼ਨਸ ਸਪੋਰਟ ਯੂਨਿਟ ਨੇ ਕਿਹਾ ਕਿ ਫਰਵਰੀ ਵਿਚ ਇੱਕ ਸ਼ੱਕ ਤੋਂ ਜਾਂਚ ਸ਼ੁਰੂ ਹੋਈ ਸੀ ਜੋ ਛੇ ਮਹੀਨਿਆਂ ਤੱਕ ਚੱਲੀ। ਇਹ ਗਰੁੱਪ ਕਥਿਤ ਤੌਰ 'ਤੇ ਪੂਰੇ ਸੂਬੇ ਵਿਚ ਵੱਡੀ ਮਾਤਰਾ ਵਿਚ ਗੈਰ-ਕਾਨੂੰਨੀ ਨਸ਼ੀਲੇ ਪਦਾਰਥਾਂ ਦੀ ਸਪਲਾਈ ਕਰਦਾ ਸੀ।