13.41C Vancouver 13.41C VancouverMar 25, 2021 3:22 PM -
ਇੰਟੈਗਰੇਟਿਡ ਹੋਮਿਸਾਈਡ ਇਨਵੈਸਟੀਗੇਸ਼ਨ ਟੀਮ ਮੁਤਾਬਕ ਪਿਛਲੇ ਹਫ਼ਤੇ ਬਰਨਬੀ ਦੇ ਇੱਕ ਪਾਰਕ ਦੇ ਵਿੱਚ ਮਿਲੇ ਸੜੇ ਹੋਏ ਮਨੁੱਖੀ ਅਵਸ਼ੇਸ਼ ਦੇ ਮਾਮਲੇ ਵਿੱਚ ਦੋ ਵਿਅਕਤੀ ਚਾਰਜਾਂ ਦਾ ਸਾਹਮਣਾ ਕਰ ਰਹੇ ਹਨ।
21 ਸਾਲਾ ਕਾਰਲੋ ਟੋਬੀਐਸ ਅਤੇ ਇੱਕ 15 ਸਾਲਾ ਟੀਨੇਜਰ, ਜਿਸ ਦੀ ਪਛਾਣ ਜਨਤਕ ਨਹੀਂ ਕੀਤੀ ਗਈ ਹੁਣ ‘ਫਰਸਟ ਡਿਗਰੀ ਮਰਡਰ’ ਅਤੇ ਮਨੁੱਖੀ ਅਵਸ਼ੇਸ਼ਾਂ ਦੇ ਅਪਮਾਨ ਦੇ ਚਾਰਜਾਂ ਦਾ ਸਾਹਮਣਾ ਕਰ ਰਹੇ ਹਨ।
ਆਈ-ਹਿੱਟ ਦੇ ਕਾਰਪੋਰਲ ਫਰੈਂਕ ਜੰਗ ਮੁਤਾਬਕ ਮ੍ਰਿਤਕ ਨਿਊ ਵੈਸਟਮਿੰਸਟਰ ਦੀ ਵਸਨੀਕ ਮਾ ਸਿਸਿਲਿਆ ਲੋਰੈਟੋ ਨਾਂ ਦੀ ਔਰਤ ਸੀ ਜਿਸ ਨੂੰ ਮਾਇਸਲ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਸੀ।
ਜੈਂਗ ਮੁਤਾਬਕ ਲੋਰੈਟੋ ਦੀ ਉਮਰ 49 ਸਾਲ ਸੀ ਅਤੇ ਉਹ ਹਾਲ ਹੀ ਵਿੱਚ ਫਿਲਪੀਨਜ਼ ਤੋਂ ਕੈਨੇਡਾ ਆਈ ਸੀ ਅਤੇ ਇੱਕ ਫੂਡ ਸਟੋਰ 'ਤੇ ਕੰਮ ਕਰ ਰਹੀ ਸੀ।
18 ਮਾਰਚ ਨੂੰ ਬਰਨਬੀ ਦੇ ਗ੍ਰੀਨਟਰੀ ਵਿਲੇਜ ਪਾਰਕ ਵਿਖੇ ਸਵੇਰ ਤਕਰੀਬਨ ਦੋ ਵਜੇ ਅਧਿਕਾਰੀਆਂ ਨੂੰ ਲੋਰੈਟੋ ਦਾ ਮ੍ਰਿਤਕ ਸਰੀਰ ਬਰਾਮਦ ਹੋਇਆ ਜਿਸ ਨੂੰ ਅੱਗ ਲੱਗੀ ਹੋਈ ਸੀ।
ਜੈਂਗ ਮੁਤਾਬਕ ਜਾਂਚ ਤੋਂ ਬਾਅਦ ਇਹ ਮੰਨਿਆ ਜਾ ਰਿਹਾ ਹੈ ਕਿ ਮ੍ਰਿਤਕ ਨੂੰ ਨਿਊ ਵੈਸਟਮਿਨਸਟਰ ਆਪਣੇ ਘਰ ਵਿੱਚ ਕਤਲ ਕੀਤਾ ਗਿਆ ਸੀ।
ਅਧਿਕਾਰੀਆਂ ਮੁਤਾਬਕ ਮ੍ਰਿਤਕ ਅਤੇ ਦੋਵੇਂ ਦੋਸ਼ੀ ਇੱਕ ਦੂਜੇ ਨੂੰ ਜਾਣਦੇ ਸਨ।
