ਐਡਮਿੰਟਨ ਸੁਰੱਖਿਆ ਗਾਰਡ ਦੀ ਮੌਤ ਦੇ ਦੋਸ਼ੀਆਂ ਨੇ ਆਪਣੇ ਬੇਕਸੂਰ ਹੋਣ ਦੀ ਦਿੱਤੀ ਦਲੀਲ

ਐਡਮਿੰਟਨ ਵਿਚ ਪੰਜਾਬੀ ਸਕਿਓਰਿਟੀ ਗਾਰਡ ਦੇ ਕਤਲ ਦੇ ਦੋਸ਼ੀਆਂ ਨੇ ਆਪਣੇ ਬੇਕਸੂਰ ਹੋਣ ਦੀ ਦਲੀਲ ਦਿੱਤੀ ਹੈ ਅਤੇ ਗਰਮੀਆਂ ਵਿਚ ਉਨ੍ਹਾਂ ਨੂੰ ਸੁਣਵਾਈ ਲਈ ਪੇਸ਼ ਕੀਤਾ ਜਾਣਾ ਹੈ।

ਈਵਾਨ ਰੇਨ ਅਤੇ ਜੂਡਿਥ ਸੌਲਟੌਕਸ ਨੇ ਪਿਛਲੇ ਸਾਲ ਦਸੰਬਰ ਵਿਚ ਹਰਸ਼ਨਦੀਪ ਸਿੰਘ ਦਾ ਕਤਲ ਕਰ ਦਿੱਤਾ ਸੀ ਅਤੇ ਦੋਵੇਂ ਫਸਟ ਡਿਗਰੀ ਮਰਡਰ ਦੇ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਹਨ। 30 ਸਾਲਾ ਦੋਸ਼ੀਆਂ ਨੂੰ 10 ਜੁਲਾਈ ਨੂੰ ਸ਼ੁਰੂਆਤੀ ਸੁਣਵਾਈ ਲਈ ਅਦਾਲਤ ਵਿਚ ਪੇਸ਼ ਕੀਤਾ ਜਾਣਾ ਹੈ।

ਇਸ ਵਿਚ ਦੇਖਿਆ ਜਾਵੇਗਾ ਕਿ ਉਨ੍ਹਾਂ ਕੋਲ ਕੇਸ ਲੜਣ ਲਈ ਜ਼ਰੂਰੀ ਸਬੂਤ ਹਨ ਜਾਂ ਨਹੀਂ। ਹਰਸ਼ਨਦੀਪ ਸਿੰਘ ਅੰਤਰਰਾਸ਼ਟਰੀ ਵਿਦਿਆਰਥੀ ਵਜੋਂ ਭਾਰਤ ਤੋਂ ਆਇਆ ਸੀ ਅਤੇ ਕਰੀਬ ਤਿੰਨ ਦਿਨ ਪਹਿਲਾਂ ਹੀ ਸਕਿਓਰਿਟੀ ਗਾਰਡ ਦੀ ਨੌਕਰੀ ਸ਼ੁਰੂ ਕੀਤੀ ਸੀ। ਉਸ ਦੇ ਕਤਲ ਮਗਰੋਂ ਸਿਟੀ ਵਿਚ ਸੁਰੱਖਿਆ ਚਿੰਤਾਵਾਂ ਵਧ ਗਈਆਂ ਹਨ।