15.21C Vancouver 15.21C VancouverAug 9, 2022 7:21 PM - Connect News
ਨਿਊ ਵੈਸਟਮਿਨਸਟਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਵਿਅਕਤੀ ਵੱਲੋਂ ਅਫ਼ਸਰ 'ਤੇ ਹਮਲਾ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਹੈ।
ਮਾਮਲਾ 8 ਅਗਸਤ ਯਾਨੀ ਕਿ ਸੋਮਵਾਰ ਦਾ ਦੱਸਿਆ ਗਿਆ ਹੈ।
ਪੁਲਿਸ ਨੂੰ ਇੱਕ ਵਿਅਕਤੀ ਨੇ ਸੰਪਰਕ ਕਰ ਦੱਸਿਆ ਸੀ ਕਿ ਇੱਕ ਆਦਮੀ ਹਿਲ ਨੇਬਰਹੁਡ 'ਚ ਹੈਚੇਟ ਯਾਨੀ ਕਿ ਕੁਹਾੜੀ ਜਿਹਾ ਹਥਿਆਰ ਚੁੱਕ ਕੇ ਜਾ ਰਿਹਾ ਹੈ।
ਇੱਕ ਪੈਟਰੋਲ ਅਫ਼ਸਰ ਨੇ ਇਲਾਕੇ 'ਚ ਪਹੁੰਚ ਕਰ ਆਦਮੀ ਨੂੰ ਲੋਕੇਟ ਕੀਤਾ ਅਤੇ ਉਸ ਨਾਲ ਸੰਪਰਕ ਬਣਾਉਣ ਦੀ ਕੋਸ਼ਿਸ਼ ਕੀਤੀ।
ਹਾਲਾਂਕਿ ਪੁਲਿਸ ਅਨੁਸਾਰ ਆਦਮੀ ਨੇ ਕੁਹਾੜੀ ਚੁੱਕ ਲਈ ਅਤੇ ਅਫ਼ਸਰ ਵੱਲ ਵਧਿਆ।
ਅਫ਼ਸਰ ਆਪਣਾ ਬਚਾਅ ਕਰਨ 'ਚ ਕਾਮਯਾਬ ਰਿਹਾ ਅਤੇ ਇੰਨੇ ਨੂੰ ਆਦਮੀ ਇਲਾਕੇ ਤੋਂ ਨਿਕਲ ਗਿਆ।
ਮੌਕੇ 'ਤੇ ਕਈ ਅਫਸਰਾਂ ਨੇ ਪਹੁੰਚ ਕੀਤੀ ਅਤੇ ਜਲਦੀ ਹੀ ਸ਼ੱਕੀ ਨੂੰ ਭਾਲ ਲਿਆ ਗਿਆ ਅਤੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਸਾਰਜੈਂਟ ਜਸਟਿਨ ਥੌਮ ਨੇ ਕਿਹਾ ਕਿ ਇੱਕ ਅਫ਼ਸਰ 'ਤੇ ਹਮਲੇ ਦੀ ਕੋਸ਼ਿਸ਼ ਹੈਰਾਨੀ ਭਰੀ ਘਟਨਾ ਹੈ ਅਤੇ ਇਹ ਮਾਮਲਾ ਕਿਸੇ ਭਿਆਨਕ ਘਟਨਾ 'ਚ ਤਬਦੀਲ ਹੋ ਸਕਦਾ ਸੀ।
ਸ਼ੱਕੀ ਨੂੰ ਹਿਰਾਸਤ 'ਚ ਰੱਖਿਆ ਗਿਆ ਹੈ ਅਤੇ ਮਾਮਲੇ 'ਚ ਦੋਸ਼ਾਂ ਸੰਬੰਧੀ ਸਿਫਾਰਸ਼ ਕੀਤੀ ਜਾ ਰਹੀ ਹੈ।
