ਬੀ.ਸੀ. ’ਚ ਹਿੰਸਕ ਕਾਰਜੈਕਿੰਗ ਤੋਂ ਬਾਅਦ ਇਕ ਵਿਅਕਤੀ ਨੂੰ ਹਵਾਈ ਅੱਡੇ ਤੋਂ ਕੀਤਾ ਗਿਆ ਗਿ੍ਰਫ਼ਤਾਰ

ਪਿ੍ਰੰਸ ਜਾਰਜ ਇੰਸਰਨੈਸ਼ਨਲ ਏਅਰਪੋਰਟ ’ਤੇ ਹੋਏ ਇਕ ਹਿੰਸਕ ਕਾਰਜੈਕਿੰਗ ਦੇ ਮਾਮਲੇ ਵਿਚ ਇਕ 29 ਸਾਲਾ ਵਿਅਕਤੀ ਨੂੰ ਦੋਸ਼ੀ ਠਹਿਰਾਇਆ ਗਿਆ ਹੈ। ਇਸ ਘਟਨਾ ਵਿਚ 2 ਬਜ਼ੁਰਗ ਜ਼ਖਮੀ ਵੀ ਹੋ ਗਏ ਸਨ। ਪੁਲਿਸ ਵਲੋਂ ਅੱਜ ਜਾਰੀ ਇਕ ਬਿਆਨ ਅਨੁਸਾਰ ਅਧਿਕਾਰੀਆਂ ਨੂੰ 24 ਅਗਸਤ, ਦੁਪਿਹਰ 1 ਵਜੇ ਦੇ ਕਰੀਬ ਪਿ੍ਰੰਸ ਜਾਰਜ ਇੰਸਰਨੈਸ਼ਨਲ ਏਅਰਪੋਰਟ ’ਤੇ ਬੁਲਾਇਆ ਗਿਆ ਸੀ ਜਿਥੇ ਇਕ ਬਜ਼ੁਰਗ ਔਰਤ ਨੂੰ ਪਾਰਕ ਕੀਤੀ ਕਾਰ ਦੀ ਪੈਸੰਜਰ ਸੀਟ ਤੋਂ ਇਕ ਵਿਅਕਤੀ ਨੇ ਧੱਕਾ ਦਿੱਤਾ ਸੀ। ਪੁਲਿਸ ਮੁਤਾਬਿਕ ਸ਼ੱਕੀ ਨੇ ਕਾਰ ’ਤੇ ਕਬਜ਼ਾ ਕਰਕੇ ਏਅਰਪੋਰਟ ਤੋਂ ਦੂਰ ਜਾਣ ਦੀ ਕੋਸ਼ਿਸ਼ ਕੀਤੀ ਜਦਕਿ ਕਾਰ ਦਾ ਇਕ ਦਰਵਾਜ਼ਾ ਅਜੇ ਵੀ ਖੁੱਲ੍ਹਾ ਹੀ ਸੀ।

ਪੁਲਿਸ ਮੁਤਾਬਿਕ ਕੁਝ ਦੂਰ ਜਾਣ ਤੋਂ ਬਾਅਦ ਹੀ ਵਾਹਨ ਦੀ ਟੱਕਰ ਹੋ ਗਈ ਅਤੇ ਉਸ ਵਿਚੋਂ ਬਜ਼ੁਰਗ ਡਰਾਇਵਰ ਬਾਹਰ ਡਿੱਗ ਗਿਆ। ਪੁਲਿਸ ਨੇ ਸ਼ੱਕੀ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਜਦਕਿ ਬਜ਼ੁਰਗ ਡਰਾਇਵਰ ਨੂੰ ਗੰਭੀਰ ਸੱਟਾਂ ਨਾਲ ਹਸਪਤਾਲ ਪਹੁੰਚਾਇਆ ਗਿਆ। ਇਸ ਦੌਰਾਨ ਇਕ ਪੈਸੰੰਜਰ ਵੀ ਮਾਮੂਲੀ ਜ਼ਖਮੀ ਹੋ ਗਿਆ ਸੀ। ਪੁਲਿਸ ਅਨੁਸਾਰ ਟੈਨਰ ਜਾਰਡਨ ਮੀਅਰ ’ਤੇ ਡਕੈਤੀ, ਹਮਲਾ, ਸਰੀਰਕ ਨੁਕਸਾਨ ਪਹੁੰਚਾਉਣ ਅਤੇ ਖਤਰਨਾਕ ਢੰਗ ਨਾਲ ਗੱਡੀ ਚਲਾਉਣ ਦੇ ਦੋਸ਼ ਲਗਾਏ ਗਏ ਹਨ।