ਵਿਕਟੋਰੀਆ 'ਚ ਔਰਤ 'ਤੇ ਹਥੌੜੇ ਨਾਲ ਹਮਲਾ, ਇੱਕ ਵਿਅਕਤੀ ਗ੍ਰਿਫਤਾਰ: ਪੁਲਿਸ

ਵਿਕਟੋਰੀਆ 'ਚ ਇੱਕ ਆਦਮੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।

ਜੇਮਸ ਬੇਅ ਇਲਾਕੇ 'ਚ ਇੱਕ ਔਰਤ 'ਤੇ ਹਥੌੜੇ ਨਾਲ ਹਮਲਾ ਕਰਨ ਦੇ ਮਾਮਲੇ 'ਚ ਇਹ ਗ੍ਰਿਫਤਾਰੀ ਹੋਈ ਹੈ।

ਅਫ਼ਸਰਾਂ ਨੂੰ ਇਰਵਿੰਗ ਪਾਰਕ ਇਲਾਕੇ 'ਚ ਉਸ ਵੇਲੇ ਸੱਦਿਆ ਗਿਆ ਸੀ, ਜਦ ਕਿਸੇ ਪ੍ਰਕਾਰ ਦੀ ਉੱਚੀ ਕਹਾਸੁਣੀ ਦੌਰਾਨ ਔਰਤ 'ਤੇ ਹਮਲਾ ਹੋਇਆ ਸੀ।

ਕਥਿਤ ਤੌਰ 'ਤੇ ਇਸ ਦੌਰਾਨ ਇੱਕ ਔਰਤ ਦਾ ਟੈਂਟ ਬੇਸਬਾਲ ਬੈਟ ਨਾਲ ਤੋੜ ਦਿੱਤਾ ਗਿਆ ਸੀ ਅਤੇ ਉਸ 'ਤੇ ਹਥੌੜੇ ਨਾਲ ਹਮਲਾ ਕੀਤਾ ਗਿਆ ਸੀ।

ਪੁਲਿਸ ਨੇ ਦੱਸਿਆ ਕਿ ਸ਼ੱਕੀ ਨੂੰ ਉਸ ਦੇ ਟੈਂਟ ਤੋਂ ਕਾਬੂ ਕੀਤਾ ਗਿਆ ਅਤੇ ਹਿਰਾਸਤ 'ਚ ਲੈ ਲਿਆ ਗਿਆ।

ਔਰਤ ਨੂੰ ਮੌਕੇ 'ਤੇ ਪੈਰਾਮੈਡਿਕਸ ਨੇ ਇਲਾਜ ਪ੍ਰਦਾਨ ਕੀਤਾ।

ਹਿਰਾਸਤ 'ਚ ਲਏ ਗਏ ਆਦਮੀ 'ਤੇ ਹਥਿਆਰ ਨਾਲ ਹਮਲੇ, ਬ੍ਰੀਚ ਆਫ ਪ੍ਰੋਬੇਸ਼ਨ ਅਤੇ ਰਿਹਾਈ ਸੰਬੰਧੀ ਸ਼ਰਤਾਂ ਦੀ ਉਲੰਘਣਾ ਦੇ ਦੋਸ਼ ਲੱਗੇ ਹਨ।

ਇਸ ਵਿਅਕਤੀ ਦਾ ਅਪਰਾਧਿਕ ਰਿਕਾਰਡ ਦੱਸਿਆ ਜਾਂਦਾ ਹੈ ਅਤੇ ਉਸ ਦੀ ਉਮਰ 48 ਸਾਲ ਹੈ।

ਵਿਕਟੋਰੀਆ ਪੁਲਿਸ ਦਾ ਟਵੀਟ:

Patrol officers arrested a man this morning after he assaulted a woman with a hammer & damaged her tent with a baseball bat in Irving Park.

He was held in custody & faces recommended charges of assault with a weapon & breach.