9.57C Vancouver 9.57C VancouverApr 25, 2025 8:00 PM - Connect Newsroom
ਬੀ. ਸੀ. ਦੇ ਹੈਦਾ ਗਵਾਈ ਦੇ ਇੱਕ ਪਿੰਡ ਵਿਚ ਮੁੱਖ ਅਪਰਾਧ ਯੂਨਿਟ ਨੇ ਇੱਕ 32 ਸਾਲਾ ਨੌਜਵਾਨ ਨੂੰ ਇੱਕ ਸ਼ੱਕੀ ਮੌਤ ਦੀ ਜਾਂਚ ਵਿਚ ਗ੍ਰਿਫਤਾਰ ਕੀਤਾ ਹੈ। ਦਾਜਿੰਗ ਗੀਡਸ ਆਰ.ਸੀ.ਐਮ.ਪੀ. ਮੁਤਾਬਕ, ਮੰਗਲਵਾਰ ਦੁਪਹਿਰ ਉਨ੍ਹਾਂ ਨੂੰ ਸਕਾਈਡਗੇਟ ਪਿੰਡ ਵਿਚ ਇੱਕ ਗੱਡੀ ਵਲੋਂ ਪੈਦਲ ਜਾ ਰਹੇ ਵਿਅਕਤੀ ਨੂੰ ਟੱਕਰ ਮਾਰਨ ਦੀ ਸੂਚਨਾ ਮਿਲੀ, ਜਿਸ ਦੀ ਬਾਅਦ ਵਿਚ ਹਸਪਤਾਲ ਵਿਚ ਮੌਤ ਹੋ ਗਈ।
ਜਾਂਚਕਰਤਾ ਨੇ ਕਿਹਾ ਕਿ ਮਾਮਲਾ ਟਾਰਗੇਟਿਡ ਸੀ। ਪੁਲਿਸ ਨੇ ਸ਼ੱਕੀ ਦੀ ਪਛਾਣ ਨਹੀਂ ਦੱਸੀ ਪਰ ਕਿਹਾ ਕਿ ਉਹ ਸਕਾਈਡਗੇਟ ਦਾ ਹੀ ਰਹਿਣ ਵਾਲਾ ਹੈ। ਇਥੋਂ ਦੀ ਲੋਕਲ ਦਾਜਿੰਗ ਗੀਡਸ ਪੁਲਿਸ ਦੇ ਡਿਟੈਚਮੈਂਟ ਕਮਾਂਡਰ ਸਾਰਜੈਂਟ ਕ੍ਰਿਸ ਮਾਨਸੇਓ ਨੇ ਕਿਹਾ ਕਿ ਉਨ੍ਹਾਂ ਨੂੰ ਕੁਝ ਸੋਸ਼ਲ ਮੀਡੀਆ ਪੋਸਟ ਬਾਰੇ ਵੀ ਪਤਾ ਲੱਗਾ ਹੈ ਜਿਨ੍ਹਾਂ ਵਿਚ ਜਾਂਚ ਵਿਚ ਦੇਰੀ ਨੂੰ ਲੈ ਕੇ ਸਵਾਲ ਉਠਾਏ ਗਏ ਸਨ, ਮਾਨਸੇਓ ਨੇ ਕਿਹਾ ਕਿ ਸਬੂਤ ਇਕੱਠਾ ਕਰਨ ਅਤੇ ਗਵਾਹਾਂ ਨਾਲ ਗੱਲਬਾਤ ਵਿਚ ਸਮਾਂ ਲੱਗਦਾ ਹੈ ਅਤੇ ਉਹ 24 ਘੰਟੇ ਇਸ 'ਤੇ ਕੰਮ ਕਰ ਰਹੇ ਸਨ।
ਉਨ੍ਹਾਂ ਕਿਹਾ ਕਿ ਗ੍ਰਿਫਤਾਰੀ ਕਿਸੇ ਵੀ ਜਾਂਚ ਵਿਚ ਮੀਲ ਦਾ ਪੱਥਰ ਹੁੰਦੀ ਹੈ ਪਰ ਚਾਰਜਿਜ਼ ਦੀ ਪ੍ਰਵਾਨਗੀ ਅਤੇ ਪੁਲਿਸ ਨੂੰ ਸਫਲ ਮੁਕੱਦਮੇਬਾਜ਼ੀ ਨੂੰ ਯਕੀਨੀ ਬਣਾਉਣ ਲਈ ਵੀ ਸਮਾਂ ਲੱਗਦਾ ਹੈ।
