ਬੀ.ਸੀ.ਦੇ ਸ਼ਤੁਰਮੁਰਗ ਫਾਰਮ ਵਿਰੋਧ ਨਾਲ ਜੁੜੇ ਮਾਮਲੇ ’ਚ ਵਿਅਕਤੀ ’ਤੇ ਹਮਲੇ ਅਤੇ ਮਿਸਚੀਫ ਦੇ ਦੋਸ਼

ਬੀ.ਸੀ.ਦੇ ਐਜਵੁੱਡ ਸਥਿਤ ਯੂਨੀਵਰਸਲ ਓਸਟ੍ਰਿਚ ਫਾਰਮ ਵਿਖੇ ਕੈਨੇਡੀਅਨ ਫੂਡ ਇੰਸਪੈਕਸ਼ਨ ਏਜੰਸੀ ਦੇ ਓਪ੍ਰੇਸ਼ਨ ਖਿਲਾਫ ਹੋਏ ਪ੍ਰਦਰਸ਼ਨਾਂ ਨਾਲ ਸਬੰਧਤ ਇੱਕ ਘਟਨਾ ਵਿਚ ਓਨਟਾਰੀਓ ਦੇ 60 ਸਾਲਾ ਵਿਅਕਤੀ ਖ਼ਿਲਾਫ਼ ਹਮਲੇ ਅਤੇ ਮਿਸਚੀਫ ਦੇ ਦੋਸ਼ ਲਗਾਏ ਗਏ ਹਨ। ਘਟਨਾ ਉਦੋਂ ਵਾਪਰੀ ਸੀ ਜਦੋਂ ਸੀ.ਐਫ.ਆਈ.ਏ. ਵਲੋਂ ਫਾਰਮ 'ਤੇ ਏਵੀਅਨ ਫਲੂ ਦੇ ਫੈਲਣ ਕਾਰਨ ਸੈਂਕੜੇ ਸ਼ੁਤਰਮੁਰਗਾਂ ਨੂੰ ਮਾਰਨ ਦਾ ਹੁਕਮ ਦਿੱਤਾ ਗਿਆ ਸੀ।

ਦੋਸ਼ੀ ਵਿਅਕਤੀ ਜਿਸ ਦੀ ਪਛਾਣ ਟਿਮੋਥੀ ਰੀਗਨ ਵਜੋਂ ਕੀਤੀ ਗਈ ਉਹ ਇੱਕ ਪ੍ਰਦਰਸ਼ਨਕਾਰੀ ਕੈਂਪ ਨਾਲ ਜੁੜਿਆ ਹੋਇਆ ਸੀ। ਪੁਲਿਸ ਨੂੰ ਇਸ ਦੌਰਾਨ 22 ਸਤੰਬਰ ਨੂੰ ਫਾਰਮ ਦੇ ਨਾਲ ਲੱਗਦੀ ਇੱਕ ਪ੍ਰੋਪਰਟੀ 'ਤੇ ਹੰਗਾਮੇ ਦੀ ਰਿਪੋਰਟ ਮਿਲੀ,ਜਿੱਥੇ 73 ਸਾਲਾ ਔਰਤ 'ਤੇ ਹਮਲਾ ਕੀਤਾ ਗਿਆ ਸੀ। ਮੌਕੇ 'ਤੇ ਮੌਜੂਦ ਆਰ.ਸੀ.ਐਮ.ਪੀ. ਮੈਡੀਕਸ ਨੇ ਉਸ ਨੂੰ ਇਲਾਜ ਦਿੱਤਾ।

ਆਰ.ਸੀ.ਐਮ.ਪੀ. ਨੇ ਸਪੱਸ਼ਟ ਕੀਤਾ ਕਿ ਸ਼ਾਂਤਮਈ ਪ੍ਰਦਰਸ਼ਨ ਦਾ ਅਧਿਕਾਰ ਕਾਇਮ ਹੈ ਪਰ ਹਿੰਸਾ ਦੀਆਂ ਕਾਰਵਾਈਆਂ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਟਿਮੋਥੀ ਰੀਗਨ'ਤੇ ਹਮਲਾ,ਹਥਿਆਰ ਨਾਲ ਹਮਲਾ ਕਰਨ ਅਤੇ ਮਿਸਚੀਫ ਦੇ ਦੋਸ਼ ਲਗਾਏ ਗਏ ਹਨ। ਉਸ ਦਾ 8 ਜਨਵਰੀ, 2026 ਨੂੰ ਅਦਾਲਤ ਵਿਚ ਪੇਸ਼ ਹੋਣ ਦਾ ਸਮਾਂ ਨਿਰਧਾਰਤ ਕੀਤਾ ਗਿਆ ਹੈ।