12.16C Vancouver 12.16C VancouverJul 17, 2025 4:43 PM - The Canadian Press
ਨੌਰਥ ਵੈਨਕੂਵਰ ਆਰਸੀਐਮਪੀ ਨੇ ਇੱਕ ਨਕਲੀ ਪੁਲਿਸ ਵਾਲਾ ਫੜ੍ਹੇ ਜਾਣ ਦਾ ਹਵਾਲਾ ਦਿੰਦੇ ਹੋਏ ਲੋਕਾਂ ਨੂੰ ਅਲਰਟ ਕੀਤਾ ਹੈ। ਆਰਸੀਐਮਪੀ ਨੇ ਕਿਹਾ ਕਿ ਉਨ੍ਹਾਂ ਨੂੰ 1 ਮਾਰਚ ਨੂੰ ਇੱਕ ਫੋਰਡ ਐਫ-150 ਦੇ ਡਰਾਈਵਰ ਵਲੋਂ ਇੱਕ ਟੇਸਲਾ ਕਾਰ ਨੂੰ ਰੋਕੇ ਜਾਣ ਦੀ ਰਿਪੋਰਟ ਮਿਲੀ ਸੀ, ਜਿਸ ਦੇ ਸਬੰਧ ਵਿਚ ਉਸ ਨਕਲੀ ਪੁਲਿਸ ਵਾਲੇ ਨੂੰ ਚਾਰਜ ਕੀਤਾ ਗਿਆ ਹੈ।
ਆਰਸੀਐਮਪੀ ਨੇ ਕਿਹਾ ਕਿ ਸ਼ੱਕੀ ਦੀ ਗੱਡੀ ਵਿਚ ਪੁਲਿਸ ਵਾਹਨ ਦੀਆਂ ਲਾਈਟਾਂ ਵਰਗੀਆਂ ਲਾਈਟਾਂ ਵੀ ਲੱਗੀਆਂ ਸਨ ਅਤੇ ਖੁਦ ਨੂੰ ਉਸ ਨੇ ਨੌਰਥ ਵੈਨਕੂਵਰ ਆਰਸੀਐਮਪੀ ਦਾ ਅਧਿਕਾਰੀ ਦੱਸਿਆ ਸੀ। ਵੇਨ ਚਰਚ ਨਾਂ ਦੇ ਸ਼ੱਕੀ ਦੀ ਅਗਲੀ ਕੋਰਟ ਪੇਸ਼ੀ 23 ਜੁਲਾਈ ਨੂੰ ਹੈ।
ਆਰਸੀਐਮਪੀ ਨੇ ਲੋਕਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਜੇ ਕਿਸੇ ਨੂੰ ਸ਼ੱਕ ਹੁੰਦਾ ਹੈ ਕਿ ਤੁਹਾਨੂੰ ਕਿਸੇ ਨਕਲੀ ਪੁਲਿਸ ਵਾਲੇ ਨੇ ਰੋਕਿਆ ਹੈ ਤਾਂ ਤੁਸੀਂ ਅਧਿਕਾਰੀ ਨੂੰ ਪਛਾਣ ਪੱਤਰ ਅਤੇ ਬੈਜ ਦਿਖਾਉਣ ਲਈ ਕਹਿ ਸਕਦੇ ਹੋ ਅਤੇ 911 'ਤੇ ਕਾਲ ਕਰ ਸਕਦੇ ਹੋ।
