21.53C Vancouver 21.53C VancouverAug 10, 2020 10:23 PM -
ਸਰੀ 'ਚ ਇੱਕ ਵਿਅਕਤੀ 'ਤੇ ਕਤਲ ਦੇ ਇਲਜ਼ਾਮ ਲੱਗੇ ਹਨ।
ਮਾਮਲਾ ਇੱਕ ਔਰਤ ਦੀ ਮੌਤ ਨਾਲ ਸੰਬੰਧਤ ਹੈ।
ਔਰਤ ਦੀ ਮੌਤ ਦਾ ਮਾਮਲਾ ਕਰੀਬ 2 ਮਹੀਨੇ ਪਹਿਲਾਂ, 2 ਜੂਨ ਦਾ ਹੈ।
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਦਾ ਕਹਿਣਾ ਹੈ ਕਿ 47 ਸਾਲਾ ਵਿਅਕਤੀ ਨੂੰ ਸ਼ੁੱਕਰਵਾਰ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।
ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ, ਵਿਅਕਤੀ ਨੂੰ ਇਸਲਈ ਸਵਾਲ ਕੀਤਾ ਗਏ ਸਨ ਕਿ ਉਹ 40 ਸਾਲਾ ਕਾਰਲੀ ਡਿਕਸਨ ਦੇ ਨਾਲ ਸੀ, ਜਿਸ ਨੂੰ 2 ਜੂਨ ਨੂੰ ਸਰੀ ਦੇ ਇੱਕ ਘਰ 'ਚ ਬੇਹੋਸ਼ੀ ਦੀ ਹਾਲਤ 'ਚ ਪਾਇਆ ਗਿਆ ਸੀ।
ਔਰਤ ਨੇ ਬਾਅਦ 'ਚ ਹਸਪਤਾਲ 'ਚ ਦਮ ਤੋੜ ਦਿੱਤਾ ਸੀ।
ਹੋਮੀਸਾਈਡ ਟੀਮ ਦਾ ਕਹਿਣਾ ਸੀ ਕਿ ਉਨ੍ਹਾਂ ਆਰ.ਸੀ.ਐਮ.ਪੀ. ਨਾਲ ਮਿਲ ਕੇ ਕੰਮ ਕੀਤਾ ਸੀ, ਅਤੇ ਦੋਸ਼ ਤੈਅ ਕਰਨ ਸੰਬੰਧੀ ਜਾਂਚ ਕੀਤੀ ਸੀ।
ਗ੍ਰਿਫਤਾਰ ਕੀਤੇ ਗਏ ਵਿਅਕਤੀ ਦਾ ਨਾਮ ਡੰਕਨ ਰਾਇਨ ਮੈਕੇਬ ਦੱਸਿਆ ਗਿਆ ਹੈ।
