14.04C Vancouver 14.04C VancouverJun 6, 2022 9:28 PM - The Canadian Press
ਬੀ.ਸੀ. ਦੇ ਮਿਸ਼ਨ ਇਲਾਕੇ 'ਚ 4 ਲੋਕਾਂ ਦੇ ਨਾਲ ਇੱਕ ਟਰੱਕ ਦੀ ਟੱਕਰ ਹੋ ਗਈ।
ਹਿੱਟ ਐਂਡ ਰਨ ਦੀ ਇਸ ਘਟਨਾ 'ਚ 2 ਲੋਕ ਜਖਮੀ ਹੋ ਗਏ ਅਤੇ ਉਨ੍ਹਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ 'ਚ ਸ਼ਾਮਿਲ ਵਾਹਨ ਚਾਲਕ ਨੇ ਹੁਣ ਖੁਦ ਨੂੰ ਪੁਲਿਸ ਹਵਾਲੇ ਕਰ ਦਿੱਤਾ ਹੈ।
ਮਾਮਲਾ ਸ਼ਨੀਵਾਰ ਸਵੇਰ ਦਾ ਦੱਸਿਆ ਗਿਆ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਇੰਡੀਜਨਸ ਲੋਕਾਂ ਵੱਲੋਂ ਇੱਕ ਮੁਜਾਹਰਾ ਕੀਤਾ ਜਾ ਰਿਹਾ ਸੀ ਅਤੇ ਅਜਿਹੇ ਬੱਚਿਆਂ ਬਾਰੇ ਜਾਗਰੂਕ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ ਜਿੰਨਾ ਨੇ ਕੈਨੇਡਾ ਦੇ ਰੈਜ਼ੀਡੈਂਸ਼ੀਅਲ ਸਕੂਲਾਂ ਨੂੰ ਅਟੈਂਡ ਕੀਤਾ ਸੀ।
'ਮਾਰਚ ਫਾਰ ਰੈਕੋਗਨਿਸ਼ਨ ਫਾਰ ਰੈਜ਼ੀਡੈਂਸ਼ੀਅਲ ਸਕੂਲਸ' ਦੇ ਪ੍ਰਬੰਧਕਾਂ ਦਾ ਕਹਿਣਾ ਸੀ ਕਿ ਮੌਕੇ 'ਤੇ ਮੌਜੂਦ ਇਕੱਠ 'ਚ ਬਜ਼ੁਰਗ ਲੋਕ ਅਤੇ ਬੱਚੇ ਵੀ ਸ਼ਾਮਿਲ ਸਨ।
ਲੋਕਾਂ ਦਾ ਕਹਿਣਾ ਸੀ ਕਿ ਵਾਹਨ ਦੀ ਕਈ ਲੋਕਾਂ ਨਾਲ ਟੱਕਰ ਹੋਈ।
ਮਿਸ਼ਨ ਆਰ.ਸੀ.ਐਮ.ਪੀ. ਦਾ ਕਹਿਣਾ ਸੀ ਕਿ ਪੈਦਲ ਮਾਰਚ ਦੌਰਾਨ ਲੋਗਹੀਡ ਹਾਈਵੇਅ 'ਤੇ ਈਸਟਬਾਊਂਡ ਟਰੈਫਿਕ ਪ੍ਰਭਾਵਿਤ ਹੋਇਆ ਸੀ ਅਤੇ ਇਸੇ ਕਾਰਨ ਇੱਕ ਵਾਹਨ ਚਾਲਕ ਨੂੰ ਪ੍ਰੇਸ਼ਾਨੀ ਹੋਈ ਹੋ ਸਕਦੀ ਹੈ ਜਿਸ ਨੇ ਇਸ ਪ੍ਰਕਾਰ ਨਾਲ ਗੱਡੀ ਭਜਾਉਣ ਦੀ ਕੋਸ਼ਿਸ਼ ਕੀਤੀ।
ਇਸੇ ਦੌਰਾਨ ਉਸ ਦੀ ਲੋਕਾਂ ਨਾਲ ਟੱਕਰ ਹੋ ਗਈ।
ਕਥਿਤ ਤੌਰ 'ਤੇ ਵਾਹਨ ਚਾਲਕ ਦੀ ਮੌਕੇ ਤੋਂ ਨਿਕਲਣ ਤੋਂ ਪਹਿਲਾਂ ਕੁਝ ਲੋਕਾਂ ਨਾਲ ਕਿਸੇ ਪ੍ਰਕਾਰ ਦੀ ਕਹਾਸੁਣੀ ਵੀ ਹੋਈ ਸੀ।
