13.26C Vancouver 13.26C VancouverMay 27, 2022 12:46 AM - The Canadian Press
ਟੋਰੌਂਟੋ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਸਕੂਲ ਦੇ ਕੋਲ ਵਿਅਕਤੀ ਨੂੰ ਗੋਲੀ ਮਾਰੀ ਗਈ ਹੈ।
ਇਸ ਵਿਅਕਤੀ ਦੀ ਮੌਤ ਹੋ ਗਈ ਹੈ।
ਇੱਕ ਵਿਅਕਤੀ ਨੂੰ ਬੰਦੂਕ ਦੇ ਨਾਲ ਵੇਖੇ ਜਾਣ ਤੋਂ ਬਾਅਦ ਇਲਾਕੇ ਦੇ ਕਈ ਸਕੂਲ ਵੀ ਲੌਕਡਾਊਨ ਕਰ ਦਿੱਤੇ ਗਏ ਸਨ।
ਅਫਸਰਾਂ ਨੂੰ ਇੱਕ ਵਿਅਕਤੀ ਬਾਰੇ ਰਿਪੋਰਟ ਮਿਲੀ ਸੀ ਕਿ ਪੋਰਟ ਯੂਨੀਅਨ ਇਲਾਕੇ 'ਚ ਦੁਪਹਿਰ ਕਰੀਬ 1 ਵਜੇ ਇੱਕ ਆਦਮੀ ਨੂੰ ਬੰਦੂਕ ਚੁੱਕ ਜਾਂਦੇ ਵੇਖਿਆ ਗਿਆ ਸੀ।
ਇਸ ਵਿਅਕਤੀ ਨੂੰ ਵਿਲੀਅਮ ਜੀ. ਡੇਵੀਸ ਜੂਨੀਅਰ ਸਕੂਲ ਦੇ ਕੋਲ ਗੋਲੀ ਮਾਰ ਦਿੱਤੀ ਗਈ।
ਮਾਮਲੇ ਦੀ ਜਾਂਚ ਸਪੈਸ਼ਲ ਇਨਵੈਸਟੀਗੇਸ਼ਨਸ ਯੂਨਿਟ ਕੋਲ ਪਹੁੰਚ ਗਈ ਹੈ।
ਮਾਮਲੇ ਦੀ ਜਾਣਕਾਰੀ ਦਿੰਦੇ ਹੋਏ ਟੋਰੌਂਟੋ ਪੁਲਿਸ ਚੀਫ਼, ਜੇਮਸ ਰੇਮਰ ਦਾ ਕਹਿਣਾ ਸੀ ਕਿ ਟੈਕਸਸ 'ਚ ਵਾਪਰੀ ਭਿਆਨਕ ਸ਼ੂਟਿੰਗ ਤੋਂ ਬਾਅਦ ਇਹ ਸਮਝਣਾ ਮੁਸ਼ਕਿਲ ਨਹੀਂ ਹੈ ਕਿ ਇੱਕ ਸਕੂਲ ਦੇ ਕੋਲ ਕਿਸੇ ਵਿਅਕਤੀ ਨੂੰ ਗੋਲੀ ਮਾਰੀ ਜਾਣੀ ਲੋਕਾਂ ਦੀ ਚਿੰਤਾ ਵਧਾ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਇਸ ਨੂੰ ਇੱਕ ਨਿਵੇਕਲੀ ਘਟਨਾ ਮੰਨਿਆ ਜਾ ਰਿਹਾ ਹੈ ਅਤੇ ਇਸ ਕਾਰਨ ਆਮ ਲੋਕਾਂ ਲਈ ਕੋਈ ਖਤਰਾ ਨਹੀਂ ਮੰਨਿਆ ਜਾ ਰਿਹਾ।
