18.63C Vancouver 18.63C VancouverDec 29, 2025 3:18 PM - Connect Newsroom - Ramandeep Kaur with files from The Canadian Press
ਚਿਲੀਵੈਕ ਵਿਚ ਬੌਕਸਿੰਗ ਡੇਅ ਵਾਲੇ ਦਿਨ ਇੱਕ ਗੱਡੀ ਬਿਜਲੀ ਦੇ ਖੰਭੇ ਨਾਲ ਟਕਰਾ ਗਈ,ਜਿਸ ਵਿਚ 27 ਸਾਲਾ ਨੌਜਵਾਨ ਦੀ ਮੌਤ ਹੋ ਗਈ। ਪੁਲਿਸ ਮੁਤਾਬਕ,ਘਟਨਾ ਉਸ ਰਾਤ 10.30 ਵਜੇ ਦੇ ਕਰੀਬ ਯੇਲ ਰੋਡ ਅਤੇ ਬੈਨਫੋਰਡ ਰੋਡ ਦੇ ਇੰਟਰਸੈਕਸ਼ਨ ਕੋਲ ਵਾਪਰੀ। ਚਿਲੀਵੈਕ ਆਰ.ਸੀ.ਐਮ.ਪੀ.ਨੇ ਕਿਹਾ ਕਿ ਇਸ ਘਟਨਾ ਵਿਚ ਮਾਰੇ ਗਏ ਨੌਜਵਾਨ ਤੋਂ ਇਲਾਵਾ ਗੱਡੀ ਵਿਚ ਹੋਰ ਕਈ ਸਵਾਰ ਨਹੀਂ ਸੀ।
ਸਟਾਫ ਸਾਰਜੈਂਟ ਡੈਰਿਲ ਪੈਪਲਰ ਨੇ ਦੱਸਿਆ ਕਿ ਨੌਜਵਾਨ ਚਿਲੀਵੈਕ ਦਾ ਨਿਵਾਸੀ ਸੀ,ਜੋ ਗੱਡੀ ਦਾ ਕੰਟਰੋਲ ਗੁਆ ਬੈਠਾ ਸੀ। ਪੁਲਿਸ ਦਾ ਕਹਿਣਾ ਹੈ ਕਿ ਇਨਵੈਸਟੀਗੇਟਰਸ ਦਾ ਮੰਨਣਾ ਹੈ ਕਿ ਨੌਜਵਾਨ ਨਸ਼ੇ ਵਿਚ ਨਹੀਂ ਸੀ ਅਤੇ ਹਾਦਸੇ ਦਾ ਕਾਰਨ ਸਪੀਡ ਹੋ ਸਕਦਾ ਹੈ, ਜਿਸ ਦੀ ਪੁਸ਼ਟੀ ਲਈ ਜਾਂਚ ਜਾਰੀ ਹੈ।
ਇਸ ਘਟਨਾ ਦੇ ਗਵਾਹਾਂ ਜਾਂ ਜੇ ਕਿਸੇ ਕੋਲ ਇਸ ਦੀ ਡੈਸ਼ਕੈਮ ਫੁਟੇਜ ਹੈ ਤਾਂ ਉਸ ਨੂੰ ਚਿਲੀਵੈਕ ਆਰ.ਸੀ.ਐਮ.ਪੀ.ਨਾਲ ਸੰਪਰਕ ਕਰਨ ਦੀ ਅਪੀਲ ਕੀਤੀ ਗਈ ਹੈ। ਉਥੇ ਹੀ,ਜਾਂਚ ਚੱਲ ਰਹੀ ਹੋਣ ਦੇ ਚੱਲਦੇ ਮ੍ਰਿਤਕ ਦੀ ਪਛਾਣ ਅਜੇ ਜਾਰੀ ਨਹੀਂ ਕੀਤੀ ਗਈ।
