17.83C Vancouver 17.83C VancouverJun 22, 2020 9:27 PM -
ਐਤਵਾਰ ਨੂੰ ਪਿਤਾ ਦਿਵਸ (Father's Day) ਮੌਕੇ ਇੱਕ ਦੁੱਖਦਾਈ ਘਟਨਾ ਵਾਪਰ ਗਈ ਹੈ ਅਤੇ ਸਰੀ ਦੇ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ।
ਮਾਮਲਾ ਬੀ.ਸੀ. 'ਚ ਕੈਲੋਨਾ ਨਾਲ ਜੁੜਿਆ ਹੈ ਜਿੱਥੇ ਇੱਕ ਪਰਿਵਾਰ ਇੱਕ ਝਰਨੇ ਤੱਕ ਗਿਆ ਸੀ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਸੀ ਕਿ ਐਮਰਜੈਂਸੀ ਟੀਮਾਂ ਨੇ 'ਮਿੱਲ ਕ੍ਰੀਕ ਵਾਟਰਫਾਲ' ਤੱਕ ਉਸ ਵੇਲੇ ਪਹੁੰਚ ਕੀਤੀ, ਜੱਦ ਇੱਕ 911 ਕਾਲ ਜ਼ਰੀਏ ਕਿਸੇ ਦੀ ਡੁੱਬਣ ਦੀ ਸੂਚਨਾ ਦਿੱਤੀ ਗਈ।
ਕੌਰਪੋਰਲ ਜੋਸਲਿਨ ਨੋਜ਼ਵਰਦੀ ਦਾ ਕਹਿਣਾ ਸੀ ਕਿ ਪੁਲਿਸ ਨੂੰ ਜਾਣਕਾਰੀ ਮਿਲੀ ਕਿ ਪੀੜਤ ਆਪਣੇ ਪਰਿਵਾਰ ਦੇ ਨਾਲ ਝਰਨੇ 'ਤੇ ਗਿਆ ਸੀ, ਅਤੇ ਉਸ ਵੇਲੇ ਪਾਣੀ 'ਚ ਦਾਖਿਲ ਹੋਇਆ ਸੀ ਜਦ ਉਨ੍ਹਾਂ ਦੀ ਬੇਟੀ ਤਿਲਕ ਕੇ ਪਾਣੀ 'ਚ ਚਲੀ ਗਈ ਸੀ।
ਉਹ ਆਪਣੀ ਧੀ ਦੀ ਮਦਦ ਲਈ ਪਾਣੀ 'ਚ ਦਾਖਿਲ ਹੋਇਆ ਸੀ।
ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਲੜਕੀ ਕਿਨਾਰੇ ਤੱਕ ਪਹੁੰਚਣ 'ਚ ਕਾਮਯਾਬ ਰਹੀ।
ਅਧਿਕਾਰੀ ਨੇ ਦੱਸਿਆ ਕਿ ਕੋਲ ਖੜੇ ਲੋਕਾਂ ਨੇ ਵਿਅਕਤੀ ਨੂੰ ਸੀ.ਪੀ.ਆਰ. ਵੀ ਦਿੱਤਾ ਅਤੇ ਉਸ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ।
ਮੌਕੇ 'ਤੇ ਪਹੁੰਚੀਆਂ ਪੈਰਾਮੈਡਿਕ ਟੀਮਾਂ ਨੇ ਵੀ 46 ਸਾਲਾ ਵਿਅਕਤੀ ਨੂੰ ਬਚਾਉਣ ਦੇ ਯਤਨ ਕੀਤੇ, ਪਰ ਕਾਮਯਾਬ ਨਾ ਹੋ ਸਕੇ। ਲੋਅਰ ਮੇਨਲੈਂਡ ਦੇ ਵਿਅਕਤੀ ਦੀ ਇਸ ਦੁੱਖਦਾਈ ਘਟਨਾ 'ਚ ਜਾਨ ਜਾਂਦੀ ਰਹੀ।
