15.56C Vancouver 15.56C VancouverMar 16, 2021 2:10 AM -
ਅੱਜ ਵਿਕਟੋਰੀਆ 'ਚ ਪੁਲਿਸ ਨਾਲ ਸੰਬੰਧਤ ਇੱਕ ਗੋਲੀ ਚੱਲਣ ਦੀ ਘਟਨਾ ਵਾਪਰੀ।
ਪੁਲਿਸ ਨੇ ਮਾਮਲੇ ਦੀ ਬਹੁਤੀ ਜਾਣਕਾਰੀ ਜਾਰੀ ਨਹੀਂ ਕੀਤੀ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਸਵੇਰੇ ਕਰੀਬ 5.30 ਵਜੇ ਪੁਲਿਸ ਦੀ ਟੀਮ ਰਾਇਲ ਜੁਬਲੀ ਹਸਪਤਾਲ ਪਹੁੰਚੀ ਹੋਈ ਸੀ।
ਇਸੇ ਮੌਕੇ ਇੱਕ ਹਥਿਆਰਬੰਦ ਵਿਅਕਤੀ ਬਾਰੇ ਸੂਚਿਤ ਕੀਤਾ ਗਿਆ।
ਕਿਸੇ ਪ੍ਰਕਾਰ ਦੀ ਧੱਕਾਮੁੱਕੀ ਤੋਂ ਬਾਅਦ ਇਸ ਵਿਅਕਤੀ 'ਤੇ ਅਫ਼ਸਰ ਨੇ ਗੋਲੀ ਚਲਾ ਦਿੱਤੀ।
ਪੁਲਿਸ ਅਨੁਸਾਰ ਪੀੜਤ ਵਿਅਕਤੀ ਨੂੰ ਜਾਨਲੇਵਾ ਸੱਟਾਂ ਨਹੀਂ ਲੱਗੀਆਂ ਹਨ।
ਘਟਨਾ 'ਚ ਕਿਸੇ ਅਫ਼ਸਰ ਦੇ ਜ਼ਖਮੀ ਹੋਣ ਤੋਂ ਵੀ ਬਚਾਅ ਰਿਹਾ।
ਕਾਂਸਟੇਬਲ ਕੈਮ ਮੈਕਿਨਟਾਇਰ ਨੇ ਦੱਸਿਆ ਕਿ ਸ਼ੱਕੀ 'ਤੇ ਪਹਿਲਾਂ ਸਟੰਨ ਗੰਨ ਦਾ ਇਸਤੇਮਾਲ ਕੀਤਾ ਗਿਆ ਸੀ ਅਤੇ ਫਿਰ ਉਸ 'ਤੇ ਗੋਲੀ ਚਲਾਈ ਗਈ।
ਮਾਮਲੇ ਦੀ ਜਾਣਕਾਰੀ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫਿਸ ਕੋਲ ਪਹੁੰਚਾਈ ਜਾ ਚੁੱਕੀ ਹੈ।
