13.3C Vancouver 13.3C VancouverAug 9, 2022 1:03 AM - Connect News
ਵੈਨਕੂਵਰ 'ਚ ਸ਼ਨੀਵਾਰ ਨੂੰ ਵੱਡੇ ਚਾਕੂ ਜਿਹੇ ਹਥਿਆਰ ਨਾਲ ਹਮਲਾ ਕਰਨ ਦੇ ਮਾਮਲੇ 'ਚ ਇੱਕ ਵਿਅਕਤੀ 'ਤੇ ਦੋਸ਼ ਤੈਅ ਕੀਤੇ ਗਏ ਹਨ।
ਘਟਨਾ ਵੈਨਕੂਵਰ ਦੇ ਡਾਊਨਟਾਊਨ ਇਲਾਕੇ 'ਚ ਸਥਿਤ ਇੱਕ ਇਮਾਰਤ 'ਚ ਵਾਪਰੀ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ 48 ਸਾਲਾ ਇਬ੍ਰਾਹਿਮ ਬਾਖਿਤ 'ਤੇ ਅਗਰਾਵੇਟਿਡ ਅਸਾਲਟ ਅਤੇ ਹਥਿਆਰ ਨਾਲ ਹਮਲੇ ਸਮੇਤ ਕੁੱਲ 3 ਦੋਸ਼ ਲੱਗੇ ਹਨ।
ਕੋਰਟ ਦਸਤਾਵੇਜਾਂ ਅਨੁਸਾਰ ਇਸ ਵਿਅਕਤੀ ਨੂੰ ਹਿਰਾਸਤ 'ਚ ਰੱਖਿਆ ਗਿਆ ਹੈ ਤੇ 22 ਅਗਸਤ ਨੂੰ ਉਸ ਨੂੰ ਫਿਰ ਤੋਂ ਕੋਰਟ 'ਚ ਪੇਸ਼ ਕੀਤਾ ਜਾਵੇਗਾ।
ਸ਼ਹਿਰ ਦੇ ਗ੍ਰੈਨਵਿਲ ਅਤੇ ਸਮਾਇਥ ਸਟ੍ਰੀਟਸ ਦੇ ਇਲਾਕੇ 'ਚ ਸ਼ਨੀਵਾਰ ਰਾਤ ਕਰੀਬ 10 ਵਜੇ ਇੱਕ ਭਿਆਨਕ ਹਮਲਾ ਵਾਪਰਿਆ ਸੀ।
ਪੁਲਿਸ ਅਨੁਸਾਰ ਇੱਕ ਆਦਮੀ ਨੇ ਆਪਣੇ ਸੁਇਟ ਨੂੰ ਅੱਗ ਲਗਾ ਦਿੱਤੀ ਸੀ ਅਤੇ ਉਸ ਤੋਂ ਬਾਅਦ ਇਮਾਰਤ 'ਚ 4 ਲੋਕਾਂ 'ਤੇ ਵੱਡੇ ਚਾਕੂ ਜਿਹੇ ਹਥਿਆਰ ਨਾਲ ਹਮਲਾ ਕੀਤਾ ਸੀ।
ਮੌਕੇ 'ਤੇ ਪਹੁੰਚੀ ਪੁਲਿਸ ਨੇ ਹਥਿਆਰਬੰਦ ਸ਼ੱਕੀ 'ਤੇ ਗੋਲੀ ਚਲਾਈ ਸੀ ਅਤੇ ਉਸ ਨੂੰ ਜਖਮੀ ਹਾਲਤ 'ਚ ਹਸਪਤਾਲ ਪਹੁੰਚਾਇਆ ਗਿਆ ਸੀ।
