11.61C Vancouver 11.61C VancouverJul 21, 2022 7:25 PM - Connect News
ਬੀ.ਸੀ. 'ਚ ਇੱਕ ਕਤਲ ਦੇ ਮਾਮਲੇ 'ਚ ਪਹਿਲਾਂ ਦੋਸ਼ੀ ਪਾਏ ਜਾ ਚੁੱਕੇ ਇੱਕ ਆਦਮੀ ਨੂੰ ਹੁਣ ਇੱਕ ਕਤਲ ਦੀ ਸਾਜਿਸ਼ ਦੇ ਮਾਮਲੇ 'ਚ ਕਈ ਸਾਲ ਦੀ ਕੈਦ ਕੱਟਣੀ ਪਵੇਗੀ।
ਇਸ ਵਿਅਕਤੀ ਦੀ ਪਛਾਣ ਬ੍ਰੈਂਡਨ ਨੰਦਨ ਵਜੋਂ ਹੋਈ ਹੈ।
ਇਸ ਵਿਅਕਤੀ ਨੂੰ 15 ਸਾਲ ਦੀ ਸਜਾ ਸੁਣਾਈ ਗਈ ਹੈ।
ਬ੍ਰੈਂਡਨ ਨੰਦਨ ਨੇ ਸ਼ੂਟਿੰਗ ਸੰਬੰਧੀ ਇੱਕ ਸਾਜਿਸ਼ ਦੇ ਦੋਸ਼ ਕਬੂਲੇ ਹਨ।
ਹਾਲਾਂਕਿ ਇਹ ਸ਼ੂਟਿੰਗ ਦੀ ਵਾਰਦਾਤ ਵਾਪਰੀ ਨਹੀਂ ਸੀ।
ਬੀਤੇ ਸਾਲ ਮਾਰਚ ਵਿੱਚ 28 ਸਾਲਾ ਵਿਅਕਤੀ 'ਤੇ ਸਾਜਿਸ਼ ਅਤੇ ਹਥਿਆਰ ਦੀ ਵਰਤੋਂ ਕਰ ਕਤਲ ਕਰਨ ਲਈ ਸਾਥ ਦੇਣ ਸੰਬੰਧੀ ਦੋਸ਼ ਲੱਗੇ ਸਨ।
ਕੰਬਾਈਂਡ ਫੋਰਸਿਸ ਸਪੈਸ਼ਲ ਐਨਫੋਰਸਮੈਂਟ ਯੂਨਿਟ ਆਫ ਬੀ.ਸੀ. ਵੱਲੋਂ ਇਸ ਵਿਅਕਤੀ ਦੀ ਸ਼ੱਕੀ ਵਜੋਂ ਪਛਾਣ ਕੀਤੀ ਗਈ ਸੀ।
ਉਸ ਸਮੇਂ ਯੂਨਿਟ ਵੱਲੋਂ ਇੱਕ ਸਾਜਿਸ਼ ਦੇ ਮਾਮਲੇ ਸੰਬੰਧੀ ਸਰੀ ਅਤੇ ਬਰਨਬੀ ਦੀਆਂ ਪੁਲਿਸ ਅਜੈਂਸੀਆਂ ਨਾਲ ਮਿਲ ਕੇ ਕੰਮ ਕੀਤਾ ਜਾ ਰਿਹਾ ਸੀ।
ਸੀ.ਐਸ.ਐਸ.ਈ.ਯੂ. ਅਨੁਸਾਰ ਪੁਲਿਸ ਦੀ ਮੁਸ਼ਤੈਦੀ ਕਾਰਨ ਕਤਲ ਦੀ ਵਾਰਦਾਤ ਵਾਪਰਨ ਤੋਂ ਬਚਾਅ ਰਹਿ ਗਿਆ ਸੀ।
ਦਿਸੰਬਰ 2020 'ਚ ਇਸ ਮਾਮਲੇ 'ਚ ਕੀਤੀ ਗਈ ਛਾਪੇਮਾਰੀ ਦੌਰਾਨ ਪੁਲਿਸ ਦੇ ਹੱਥ ਇੱਕ ਸ਼ੱਕੀ ਲੱਗਿਆ ਅਤੇ ਫੈਂਟਾਨਿਲ, ਮੈਥਮਫਿਟਾਮੀਨ, ਕੋਕੇਨ, ਹਥਿਆਰ, ਸਾਈਲੈਂਸਰ ਅਤੇ ਕਈ ਹੋਰ ਵੈਪਨ ਜਬਤ ਕੀਤੇ ਸਨ।
ਨੰਦਨ ਦੇ ਕੁੱਲ 17 ਦੋਸ਼ ਲੱਗੇ ਸਨ।
ਇਸ ਤੋਂ ਪਹਿਲਾਂ ਇਹ ਵਿਅਕਤੀ ਮੈਨਸਲੌਟਰ ਦੇ ਦੋਸ਼ਾਂ 'ਚ 6 ਸਾਲ ਦੀ ਸਜਾ ਕੱਟ ਚੁੱਕਿਆ ਹੈ।
