13.86C Vancouver 13.86C VancouverOct 5, 2022 12:11 AM - Connect News
ਲੈਂਗਲੀ 'ਚ ਵਾਪਰੀ ਟ੍ਰਿਪਲ ਕਤਲ ਦੀ ਵਾਰਦਾਤ 'ਚ ਇੱਕ ਵਿਅਕਤੀ ਨੇ ਦੋਸ਼ ਕਬੂਲ ਲਏ ਹਨ।
ਮਾਮਲੇ ਸੰਬੰਧੀ ਜਾਣਕਾਰੀ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਵੱਲੋਂ ਸਾਂਝੀ ਕੀਤੀ ਗਈ ਹੈ।
ਮਾਮਲਾ 13 ਜੂਨ 2020 ਦੀ ਘਟਨਾ ਨਾਲ ਸੰਬੰਧਤ ਹੈ।
ਲੈਂਗਲੀ ਆਰ.ਸੀ.ਐਮ.ਪੀ. ਦੇ ਅਫਸਰਾਂ ਨੂੰ ਵੇਕਫੀਲਡ ਡਰਾਈਵ ਦੇ 19600 ਬਲੌਕ 'ਚ ਸੱਦਿਆ ਗਿਆ ਸੀ।
ਮੌਕੇ 'ਤੇ ਅਫਸਰਾਂ ਨੇ ਇੱਕ ਘਰ 'ਚ ਫਰਾਂਸਿਸਕੋ ਜਾਂਗਰਿਲੀ ਨੂੰ ਚਾਕੂ ਨਾਲ ਹਮਲੇ ਕਾਰਨ ਜਖਮੀ ਹਾਲਤ 'ਚ ਵੇਖਿਆ ਜਿਸ ਦੀ ਮੌਤ ਹੋ ਗਈ ਸੀ।
ਘਰ ਵਿੱਚ ਟਾਟੀਆਨਾ ਬਾਜੀਆਰ ਅਤੇ ਬੈਫਰੀਨ ਇਬ੍ਰਾਹਿਮੀਅਨ ਦੇ ਮ੍ਰਿਤ ਸ਼ਰੀਰ ਮਿਲੇ ਸਨ।
ਜਾਂਚ ਦੌਰਾਨ ਆਈ.ਹਿਟ ਵੱਲੋਂ ਸ਼ੱਕੀ ਦੇ ਤੌਰ 'ਤੇ ਕੀਆ ਇਬ੍ਰਾਹਿਮੀਅਨ ਦੀ ਪਛਾਣ ਕੀਤੀ ਗਈ ਸੀ।
ਕੀਆ ਬਾਰੇ ਦੱਸਿਆ ਗਿਆ ਕਿ ਉਹ ਰਿਸ਼ਤੇ 'ਚ ਪੀੜਤ ਬੈਫਰੀਨ ਇਬ੍ਰਾਹਿਮੀਅਨ ਦਾ ਭਰਾ ਅਤੇ ਟਾਟੀਆਨਾ ਬਾਜੀਆਰ ਦਾ ਪੁੱਤਰ ਸੀ।
ਉਸ ਨੂੰ ਸਾਲ 2020 'ਚ 10 ਜੁਲਾਈ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।
ਅੱਜ ਆਈ.ਹਿਟ ਨੇ ਦੱਸਿਆ ਕਿ ਸੋਮਵਾਰ ਨੂੰ ਇਸ ਵਿਅਕਤੀ ਨੇ ਸੈਕਿੰਡ ਡਿਗਰੀ ਕਤਲ ਦੇ 3 ਦੋਸ਼ ਕਬੂਲ ਲਏ ਹਨ।
ਇਸ ਵਿਅਕਤੀ ਦੀ ਸਜਾ ਸੰਬੰਧੀ ਸੁਣਵਾਈ ਦਿਸੰਬਰ 'ਚ ਸ਼ੁਰੂ ਹੋਵੇਗੀ।
