14.32C Vancouver 14.32C VancouverOct 8, 2020 11:14 PM -
ਬੀ.ਸੀ. ਦੇ ਪੁਲਿਸ ਵਾਚਡੌਗ ਨਾਲ ਸੰਬੰਧਤ ਅਫ਼ਸਰਾਂ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ ਕਿ ਸਰੀ 'ਚ ਅੱਜ ਸਵੇਰ ਦੀ ਵਾਰਦਾਤ 'ਚ ਪੁਲਿਸ ਅਫ਼ਸਰਾਂ ਵੱਲੋਂ ਕੋਈ ਭੂਮਿਕਾ ਤਾਂ ਨਹੀਂ ਨਿਭਾਈ ਗਈ, ਜਿਸ 'ਚ ਇੱਕ ਵਿਅਕਤੀ ਗੰਭੀਰ ਜ਼ਖਮੀ ਹੋ ਗਿਆ ਹੈ।
ਆਰ.ਸੀ.ਐਮ.ਪੀ. ਵੱਲੋਂ ਜਾਰੀ ਇੱਕ ਬਿਆਨ 'ਚ ਦੱਸਿਆ ਗਿਆ ਕਿ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨ ਆਫਿਸ ਨੂੰ ਉਸ ਵੇਲੇ ਸੱਦਿਆ ਗਿਆ, ਜਦ ਪੁਲਿਸ ਨੂੰ ਮਿਲੀ ਡਾਕੇ ਦੀ ਕੋਸ਼ਿਸ਼ ਦੀ ਜਾਣਕਾਰੀ ਤੋਂ ਬਾਅਦ, ਮੌਕੇ 'ਤੇ ਇੱਕ ਵਿਅਕਤੀ ਨੇ ਖੁਦ 'ਤੇ ਗੋਲੀ ਚਲਾ ਦਿੱਤੀ।
ਪੁਲਿਸ ਅਨੁਸਾਰ ਸਰੀ 'ਚ ਇੱਕ ਵਿਅਕਤੀ ਦੀ ਜਾਣਕਾਰੀ ਮਿਲੀ ਸੀ ਕਿ ਉਹ ਬੰਦੂਕ ਵਿਖਾ ਕੇ ਲੋਕਾਂ ਤੋਂ ਲੁੱਟ ਦੀ ਕੋਸ਼ਿਸ਼ ਕਰ ਰਿਹਾ ਹੈ।
ਸ਼ੱਕੀ ਵੱਲੋਂ ਪੁਲਿਸ ਦੀ ਗੱਡੀ 'ਤੇ ਗੋਲੀ ਚਲਾਉਣ ਅਤੇ ਫਿਰ ਖੁਦ 'ਤੇ ਗੋਲੀ ਚਲਾ ਦੇਣ ਦੀ ਜਾਣਕਾਰੀ ਦਿੱਤੀ ਗਈ।
ਗੱਡੀ 'ਚ ਬੈਠੇ ਪੁਲਿਸ ਅਫ਼ਸਰ ਨੂੰ ਸੱਟਾਂ ਨਹੀਂ ਲੱਗੀਆਂ ਸਨ, ਪਰ ਜਾਨਲੇਵਾ ਸਾਬਿਤ ਹੋ ਸਕਣ ਵਾਲੀ ਇਸ ਘਟਨਾ ਤੋਂ ਬਾਅਦ, ਅਫ਼ਸਰ ਨੂੰ ਮਾਨਸਿਕ ਸਹਿਯੋਗ ਪ੍ਰਦਾਨ ਕੀਤਾ ਜਾ ਰਿਹਾ ਹੈ।
