25.21C Vancouver 25.21C VancouverOct 17, 2022 10:24 PM - The Canadian Press
ਵੈਨਕੂਵਰ ਦੇ ਯੂਨੀਵਰਸਿਟੀ ਗੌਲਫ ਕਲੱਬ ਵਿੱਚ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਨੂੰ ਡਿਪਲਾਏ ਕੀਤਾ ਗਿਆ ਹੈ।
ਗੋਲੀ ਚੱਲਣ ਦੀ ਵਾਰਦਾਤ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ।
ਅੱਜ ਸਵੇਰ ਦੇ ਸਮੇਂ ਕਰੀਬ 9.49 ਵਜੇ ਇਲਾਕੇ 'ਚ ਗੋਲੀ ਚੱਲਣ ਦਾ ਖੜਕਾ ਸੁਣਾਈ ਦਿੱਤਾ ਸੀ।
ਘਟਨਾ ਸੰਬੰਧੀ ਆਈ.ਹਿਟ ਵੱਲੋਂ ਅੱਜ ਦੁਪਹਿਰ ਕਰੀਬ 2 ਵਜੇ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਯੂਨੀਵਰਸਿਟੀ ਆਫ ਬੀ.ਸੀ. ਦੇ ਕੋਲ ਪੈਸੀਫਿਕ ਸਪਿਰਿਟ ਰੀਜਨਲ ਪਾਰਕ ਦੇ ਇਲਾਕੇ 'ਚ ਪੁਲਿਸ ਅਫ਼ਸਰ ਸਵੇਰ ਕਰੀਬ 10 ਵਜੇ ਪਹੁੰਚੇ ਤਾਂ ਮੌਕੇ 'ਤੇ ਇੱਕ ਵਿਅਕਤੀ ਨੂੰ ਗੋਲੀ ਲੱਗਣ ਕਾਰਨ ਮ੍ਰਿਤ ਪਾਇਆ ਗਿਆ।
ਆਈ.ਹਿਟ ਅਨੁਸਾਰ ਪੀੜਤ ਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ ਸੀ, ਹਾਲਾਂਕਿ ਘਟਨਾ 'ਚ ਕਿਸੇ ਹੋਰ ਦੇ ਜਖਮੀ ਹੋਣ ਦੀ ਜਾਣਕਾਰੀ ਨਹੀਂ ਦਿੱਤੀ ਗਈ।
ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਘਟਨਾ ਸੰਬੰਧੀ ਕੋਈ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
ਮੀਡੀਆ ਰਿਪੋਰਟਸ ਅਨੁਸਾਰ ਮੌਕੇ 'ਤੇ 5-6 ਗੋਲੀਆਂ ਚੱਲਣ ਦੀ ਆਵਾਜ਼ ਸੁਣਾਈ ਦਿੱਤੀ ਸੀ।
ਮੌਕੇ 'ਤੇ ਕਈ ਆਰ.ਸੀ.ਐਮ.ਪੀ. ਵਾਹਨ ਅਤੇ 2 ਐਂਬੂਲੈਂਸ ਖੜੀਆਂ ਵੇਖੀਆਂ ਜਾ ਸਕਦੀਆਂ ਸਨ।
ਜਾਣਕਾਰੀ ਅਨੁਸਾਰ ਡਨਬਾਰ ਅਤੇ ਸਾਊਥਲੈਂਡਸ ਦੇ ਇਲਾਕੇ 'ਚ ਇੱਕ ਗੱਡੀ ਨੂੰ ਅੱਗ ਲੱਗੀ ਵੀ ਰਿਪੋਰਟ ਕੀਤੀ ਗਈ ਹੈ।
ਇਹ ਇਲਾਕਾ ਗੌਲਫ ਕੋਰਸ ਤੋਂ ਕੁਝ ਹੀ ਦੂਰੀ 'ਤੇ ਸਥਿਤ ਹੈ। ਹਾਲ ਦੀ ਘੜੀ ਸਪਸ਼ਟ ਨਹੀਂ ਹੈ ਕਿ ਦੋਵੇਂ ਘਟਨਾਵਾਂ ਸੰਬੰਧਤ ਸਨ ਜਾਂ ਨਹੀਂ।
