ਐਬਟਸਫੋਰਡ ਵਿਚ ਬੱਸ ਉਡੀਕ ਰਹੇ ਨੌਜਵਾਨ 'ਤੇ ਚਾਕੂ ਹਮਲਾ

ਐਬਟਸਫੋਰਡ ਵਿਚ ਮੰਗਲਵਾਰ ਰਾਤ ਬੱਸ ਦੀ ਉਡੀਕ ਕਰ ਰਹੇ 20 ਸਾਲਾ ਨੌਜਵਾਨ 'ਤੇ ਇਕ ਅਣਜਾਣ ਵਿਅਕਤੀ ਨੇ ਹਮਲਾ ਕਰ ਦਿੱਤਾ। ਪੁਲਿਸ ਮੁਤਾਬਕ ਸ਼ਾਮ ਕਰੀਬ 6.15 ਵਜੇ ਵੈਸਟ ਓਕਸ ਮਾਲ ਦੇ ਸਾਊਥ ਫਰੇਜ਼ਰ ਵੇਅ ਕੋਲ ਛੁਰੇਬਾਜ਼ੀ ਦੀ ਘਟਨਾ ਵਾਪਰੀ। ਪੀੜਤ ਨੂੰ ਗੈਰ-ਗੰਭੀਰ ਜ਼ਖਮਾਂ ਨਾਲ ਹਸਪਤਾਲ ਦਾਖਲ ਕਰਵਾਇਆ ਗਿਆ।

ਸਾਰਜੈਂਟ ਪਾਲ ਵਾਕਰ ਮੁਤਾਬਕ ਵਾਰਦਾਤ ਦੇ ਕਾਰਨਾਂ ਬਾਰੇ ਅਜੇ ਜਾਣਕਾਰੀ ਨਹੀਂ ਮਿਲ ਸਕੀ ਪਰ ਸ਼ੁਰੂਆਤੀ ਜਾਂਚ ਵਿਚ ਮੰਨਿਆ ਜਾ ਰਿਹਾ ਹੈ ਕਿ ਇਹ ਰੈਂਡਮ ਹਮਲਾ ਹੈ। ਇਸ ਦੇ ਬਾਅਦ ਸ਼ੱਕੀ ਪੈਦਲ ਫਰਾਰ ਹੋ ਗਿਆ। ਸ਼ੱਕੀ ਕਰੀਬ 40 ਕੁ ਸਾਲ ਦਾ ਹੈ ਅਤੇ ਉਸ ਦਾ ਕੱਦ 6 ਫੁੱਟ ਦੇ ਕਰੀਬ ਹੈ। ਜਿਸ ਸਮੇਂ ਉਸ 'ਤੇ ਬਹੁਤ ਸਾਰੇ ਲੋਕ ਮੌਜੂਦ ਹੁੰਦੇ ਹਨ,ਇਸ ਲਈ ਕੋਈ ਨਾ ਕੋਈ ਗਵਾਹ ਜ਼ਰੂਰ ਹੋਵੇਗਾ। ਜੇਕਰ ਕਿਸੇ ਕੋਲ ਇਸ ਸਬੰਧੀ ਕੋਈ ਵੀ ਜਾਣਕਾਰੀ ਹੋਵੇ ਤਾਂ ਉਹ ਪੁਲਿਸ ਨੂੰ ਦੱਸ ਕੇ ਮਦਦ ਕਰ ਸਕਦਾ ਹੈ।