16.79C Vancouver 16.79C VancouverJul 3, 2020 4:29 PM -
ਰਿਡੋ ਹਾਲ ਦੇ ਇੱਕ ਦਰਵਾਜ਼ੇ 'ਚ ਟਰੱਕ ਨਾਲ ਟੱਕਰ ਮਾਰਨ ਅਤੇ ਫਿਰ ਹਥਿਆਰਾਂ ਦੇ ਨਾਲ ਪ੍ਰਾਪਰਟੀ 'ਚ ਦਾਖਿਲ ਹੋਣ ਲਈ ਮੈਨੀਟੋਬਾ ਦੇ ਇੱਕ ਵਿਅਕਤੀ 'ਤੇ ਇਲਜ਼ਾਮ ਲੱਗੇ ਹਨ।
ਇਸ ਵਿਅਕਤੀ ਨੂੰ ਅਗਲੀ ਪੇਸ਼ੀ ਤੋਂ ਪਹਿਲਾਂ 17 ਜੁਲਾਈ ਤੱਕ ਪੁਲਿਸ ਹਿਰਾਸਤ ਵਿੱਚ ਰੱਖਿਆ ਜਾਵੇਗਾ ਅਤੇ ਇਸ ਵਿਅਕਤੀ 'ਤੇ 22 ਅਪਰਾਧਿਕ ਦੋਸ਼ ਲੱਗੇ ਹਨ।
ਵਿਅਕਤੀ ਦਾ ਨਾਮ ਕੋਰੀ ਹੁਰੇਨ ਦੱਸਿਆ ਗਿਆ ਹੈ ਅਤੇ 46 ਸਾਲਾ ਵਿਅਕਤੀ ਮਿਲਟਰੀ ਦਾ ਮੈਂਬਰ ਅਤੇ ਇੱਕ ਵਪਾਰੀ ਦੱਸਿਆ ਜਾ ਰਿਹਾ ਹੈ।
ਅੱਜ ਦੁਪਹਿਰ ਇਲਜ਼ਾਮਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਨੇ ਇੱਕ ਟੈਲੀਕਾਨਫਰੰਸ ਜ਼ਰੀਏ ਪਹਿਲੀ ਕੋਰਟ ਦੀ ਪੇਸ਼ੀ 'ਚ ਹਾਜ਼ਰੀ ਭਰੀ।
ਆਰ.ਸੀ.ਐਮ.ਪੀ. ਵੱਲੋਂ ਇਸ ਵਿਅਕਤੀ ਨੂੰ ਪ੍ਰਧਾਨ ਮੰਤਰੀ ਦੀ ਮੌਜੂਦਾ ਰਿਹਾਇਸ਼ ਤੋਂ ਕਰੀਬ 200 ਮੀਟਰ ਦੀ ਦੂਰੀ 'ਤੇ ਗ੍ਰਿਫਤਾਰ ਕੀਤਾ ਗਿਆ ਸੀ।
ਹਾਲਾਂਕਿ ਵੀਰਵਾਰ ਸਵੇਰ ਦੀ ਘਟਨਾ ਮੌਕੇ ਪ੍ਰਧਾਨ ਮੰਤਰੀ ਟਰੂਡੋ ਇਸ ਰਿਹਾਇਸ਼ 'ਤੇ ਮੌਜੂਦ ਨਹੀਂ ਸਨ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਹੁਰੇਨ ਕੋਲ ਕਈ ਹਥਿਆਰ ਸਨ, ਜਿਸ ਵਿੱਚ ਘਟੋ-ਘੱਟ ਇੱਕ ਬੰਦੂਕ ਵੀ ਸ਼ਾਮਿਲ ਦੱਸੀ ਗਈ।
