21.32C Vancouver 21.32C VancouverApr 29, 2020 5:31 PM -
ਮੈਨੀਟੋਬਾ ਸਰਕਾਰ ਵੱਲੋਂ ਕੋਵਿਡ-19 ਨਾਲ ਸੰਬੰਧਤ ਪਾਬੰਦੀਆਂ ਉੱਤੇ ਅਗਲੇ ਸੋਮਵਾਰ ਤੋਂ ਢਿੱਲ ਦੇਣ ਦੀ ਯੋਜਨਾ ਹੈ।
ਪ੍ਰੀਮੀਅਰ ਬ੍ਰਾਇਨ ਪੈਲਿਸਟਰ ਮੁਤਾਬਕ ਡੈਂਟਿਸਟ ਅਤੇ ਫਿਜ਼ੀਓਥੈਰੇਪਿਸਟ ਆਪਣੀਆਂ ਸੇਵਾਵਾਂ ਮੁੜ ਮੁਹੱਈਆ ਕਰਵਾ ਸਕਣਗੇ ਅਤੇ ਰਿਟੇਲ ਸਟੋਰ, ਹੇਅਰ ਸਲੂਨ ਅਤੇ ਰੈਸਟੋਰੈਂਟ ਪੈਟੀਓ ਆਪਣੀ ਸਮਰੱਥਾ ਤੋਂ 50 ਫ਼ੀਸਦੀ ਤੱਕ ਨਾਲ ਦੁਬਾਰਾ ਖੋਲ੍ਹੇ ਜਾਣਗੇ।
ਕੈਂਪ ਗ੍ਰਾਊਂਡ, ਮਿਊਜ਼ੀਅਮ, ਲਾਇਬ੍ਰੇਰੀਆਂ ਅਤੇ ਆਰਟ ਗੈਲਰੀਆਂ ਨੂੰ ਵੀ ਸਰੀਰਿਕ ਦੂਰੀ ਦੇ ਨਿਰਦੇਸ਼ਾਂ ਦੀ ਪਾਲਣਾ ਕਰਦਿਆਂ ਆਪਣੇ ਦਰਵਾਜ਼ੇ ਦੁਬਾਰਾ ਖੋਲ੍ਹਣ ਦੀ ਇਜਾਜ਼ਤ ਹੈ।
ਯਾਤਰਾ ਉੱਤੇ ਪਾਬੰਦੀ ਅਤੇ ਜਨਤਕ ਇਕੱਠ ਉੱਤੇ 10 ਵਿਅਕਤੀਆਂ ਦੀ ਸੀਮਾ ਫਿਲਹਾਲ ਲਾਗੂ ਰਹੇਗੀ।
ਪੈਲਿਸਟਰ ਨੇ ਕਿਹਾ ਕਿ ਸਮਾਜਿਕ ਇਕੱਠ ਵਿੱਚ ਵਿਅਕਤੀਆਂ ਦੀ ਸੀਮਾ ਵਧਾਈ ਜਾ ਸਕਦੀ ਹੈ ਪਰ ਇਹ ਮਈ ਦੇ ਅੰਤ ਵਿੱਚ ਸੂਬੇ ਦੇ ਅੰਕੜਿਆਂ ਉੱਤੇ ਨਿਰਭਰ ਕਰੇਗਾ।
ਦੂਜੇ ਪੜਾਅ ਵਿੱਚ 1 ਜੂਨ ਤੋਂ ਨੇਲ ਸੈਲੂਨ, ਡਾਇਨ ਇਨ ਰੈਸਟੋਰੈਂਟ ਅਤੇ ਬੱਚਿਆਂ ਦੀਆਂ ਕੁੱਝ ਖੇਡਾਂ ਸ਼ੁਰੂ ਕਰਨ ਦੀ ਯੋਜਨਾ ਹੈ।
ਸਰਕਾਰ ਮੁਤਾਬਕ ਵੱਡੇ ਪਬਲਿਕ ਸਮਾਗਮ ਜਿਵੇਂ ਕਿ ਕੌਂਸਰਟ ਅਤੇ ਖੇਡਾਂ ਦੇ ਟੂਰਨਾਮੈਂਟ ਸਤੰਬਰ ਤੋਂ ਪਹਿਲਾਂ ਸ਼ੁਰੂ ਨਹੀਂ ਹੋਣਗੇ।
