24.51C Vancouver 24.51C VancouverJun 12, 2020 1:31 AM -
ਕਨੇਡੀਅਨ ਫ਼ਿਲਮ ਅਤੇ ਟੀ.ਵੀ. ਨਿਰਦੇਸ਼ਕ, ਸਿਹਤ ਅਤੇ ਸੁਰੱਖਿਆ ਸੰਬੰਧੀ ਪ੍ਰੋਟੋਕਾਲਜ਼ ਨਾਲ ਕੁਸ਼ਤੀ ਲੜ ਰਹੇ ਹਨ।
ਇੱਕ ਪਾਸੇ ਸੂਬਿਆਂ 'ਚ ਪੈਂਡੇਮਿਕ ਸੰਬੰਧੀ ਪਬੰਦੀਆਂ 'ਚ ਢਿੱਲ ਦਿੱਤੀ ਜਾ ਰਹੀ ਹੈ, ਜਿੰਨਾਂ ਕਾਰਨ ਮਾਰਚ ਦੇ ਮਹੀਨੇ 'ਚ ਇੰਡਸਟਰੀ ਬੰਦ ਹੋ ਗਈ ਸੀ, ਪਰ ਦੂਜੇ ਪਾਸੇ ਹੁਣ ਢਿੱਲ ਦਿੱਤੇ ਜਾਣ ਦੇ ਬਾਵਜੂਦ ਕਈ ਚੁਣੌਤੀਆਂ ਸਾਹਮਣੇ ਹਨ।
ਤਾਜ਼ਾ ਹਿਦਾਇਤਾਂ ਦੇ ਚਲਦਿਆਂ ਕਿਸੇ ਸੀਨ ਦੌਰਾਨ ਵਧੇਰੇ ਇਕੱਠ ਨਾ ਕਰਨਾ ਅਤੇ ਸੈੱਟ 'ਤੇ ਘੱਟ ਲੋਕਾਂ ਦੀ ਮੌਜੂਦਗੀ ਦਾ ਧਿਆਨ ਰੱਖਣਾ ਜ਼ਰੂਰੀ ਹੈ।
ਇਸ ਦੇ ਨਾਲ ਹੀ ਕੋਵਿਡ-19 ਟੈਸਟਿੰਗ ਅਤੇ ਹੋਰ ਸਾਫ-ਸਫਾਈ ਸੰਬੰਧੀ ਹਿਦਾਇਤਾਂ ਦਾ ਪਾਲਣ ਕਰਨਾ ਵੀ ਜ਼ਰੂਰੀ ਹੈ।
ਪਰ ਇਸ ਦੇ ਬਾਵਜੂਦ ਕਈ ਨਿਰਦੇਸ਼ਕ ਕੈਮਰਾ ਰੋਲ ਕਰਨ ਲਈ ਕਿਸੇ ਪੱਕੀ ਤਰੀਕ ਬਾਰੇ ਫੈਸਲਾ ਨਹੀਂ ਕਰ ਪਾ ਰਹੇ, ਅਤੇ ਇਸ ਦੀ ਵੱਡੀ ਵਜ੍ਹਾ ਕੋਵਿਡ-19 ਨੂੰ ਇੰਸ਼ੋਰੈਂਸ ਕੰਪਨੀਆਂ ਵੱਲੋਂ ਕਵਰ ਨਾ ਕੀਤੇ ਜਾਣਾ ਦੱਸਿਆ ਜਾ ਰਿਹਾ ਹੈ।
ਕਨੇਡੀਅਨ ਮੀਡੀਆ ਪਰੌਡਿਊਸਰਜ਼ ਐਸੋਸੀਏਅਸ਼ਨ ਦਾ ਕਹਿਣਾ ਹੈ ਕਿ ਨਵੀਆਂ ਪ੍ਰੋਡਕਸ਼ਨ ਨੀਤੀਆਂ 'ਚ ਕੋਵਿਡ-19 ਦੀ ਕਵਰੇਜ ਨਹੀਂ ਦਿੱਤੀ ਗਈ ਹੈ।
ਸੀ.ਐਮ.ਪੀ.ਏ. ਨੇ ਹਾਲ 'ਚ ਇੱਕ ਪ੍ਰਪੋਜ਼ਲ ਵੀ ਬਣਾਇਆ ਹੈ ਜਿਸ ਦੇ ਨਾਲ ਇਸ ਮਾਮਲੇ ਦਾ ਮਾਰਕਿਟ ਹੱਲ ਕੱਢਿਆ ਜਾ ਸਕਦਾ ਹੈ ਅਤੇ ਇਸ ਸੰਬੰਧੀ ਫੈਡਰਲ ਸਰਕਾਰ ਦੀ ਮਦਦ ਦੀ ਮੰਗ ਕੀਤੀ ਗਈ ਹੈ।
ਪ੍ਰਪੋਜ਼ਲ 'ਚ ਆਖਿਆ ਗਿਆ ਹੈ ਕਿ, ਨਿਰਦੇਸ਼ਕ ਕੋਵਿਡ-19 ਕਵਰੇਜ ਲਈ ਪ੍ਰੀਮੀਅਮ ਭਰਨਗੇ, ਜੋ ਕਿ ਜ਼ਰੂਰੀ ਕਲੇਮਜ਼ ਲਈ ਵਰਤੇ ਜਾ ਸਕਣਗੇ।
ਨਿਰਦੇਸ਼ਕਾਂ ਵੱਲੋਂ ਸਰਕਾਰ ਅਤੇ ਹੋਰ ਯੂਨੀਅਨਾਂ ਨਾਲ ਮਿਲ ਕੇ ਕੰਮ ਕੀਤਾ ਜਾ ਰਿਹਾ ਹੈ, ਤਾਂ ਜੋ ਸੁਰੱਖਿਅਤ ਤਰੀਕੇ ਨਾਲ ਕੰਮ 'ਤੇ ਪਰਤਿਆ ਜਾ ਸਕੇ।
