19.38C Vancouver 19.38C VancouverMar 20, 2025 5:19 PM - Connect Newsroom
ਐਡਮਿੰਟਨ ਦੌਰੇ 'ਤੇ ਆਏ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਜੈਸਪਰ ਨੂੰ ਮੁੜ ਵਿਕਸਤ ਕਰਨ ਲਈ $187 ਮਿਲੀਅਨ ਦਾ ਐਲਾਨ ਕੀਤਾ ਹੈ। ਜੈਸਪਰ ਪਿਛਲੇ ਸਾਲ ਜੁਲਾਈ ਵਿਚ ਭਿਆਨਕ ਜੰਗਲੀ ਅੱਗ ਕਾਰਨ ਬੁਰੀ ਤਰ੍ਹਾਂ ਬਰਬਾਦ ਹੋ ਗਿਆ ਸੀ।
ਉਨ੍ਹਾਂ ਐਲਾਨ ਕੀਤਾ ਕਿ ਜੈਸਪਰ ਨੈਸ਼ਨਲ ਪਾਰਕ ਦੇ ਬੁਨਿਆਦੀ ਢਾਂਚੇ ਨੂੰ ਮੁੜ ਤਿਆਰ ਕਰਨ ਲਈ ਇਹ ਨਿਵੇਸ਼ ਕੀਤਾ ਜਾ ਰਿਹਾ ਹੈ। ਇਹ ਫੰਡਿੰਗ ਪਾਰਕਸ ਕੈਨੇਡਾ ਨੂੰ ਦੋ ਸਾਲਾਂ ਦੌਰਾਨ ਦਿੱਤੀ ਜਾਵੇਗੀ ਤਾਂ ਕਿ ਸੜਕਾਂ, ਟਰੇਲਜ਼ ਅਤੇ ਪੱਕੇ ਸਟਾਫ ਹਾਊਸਿੰਗ ਨੂੰ ਮੁੜ ਤਿਆਰ ਕਰਨ ਵਿਚ ਮਦਦ ਮਿਲ ਸਕੇ।
ਦੱਸਿਆ ਜਾ ਰਿਹਾ ਹੈ ਕਿ ਜੈਸਪਰ ਟਾਊਨ ਅਤੇ ਜੈਸਪਰ ਨੈਸ਼ਨਲ ਪਾਰਕ ਦੀ ਉਸਾਰੀ ਮਈ ਵਿਚ ਸ਼ੁਰੂ ਹੋ ਸਕਦੀ ਹੈ ਅਤੇ ਇਸ ਫੰਡਿੰਗ ਦੀ ਮਦਦ ਨਾਲ ਉਸਾਰੀ ਦਾ ਕੰਮ ਬਿਨਾਂ ਰੁਕੇ ਚੱਲੇਗਾ।
ਦੱਸ ਦੇਈਏ ਕਿ ਫਿਲਹਾਲ ਇੱਥੇ ਲੋਕ ਟੈਂਪਰੇਰੀ ਘਰਾਂ ਵਿਚ ਰਹਿ ਰਹੇ ਹਨ। ਕਾਰਨੀ ਨੇ ਪਿਛਲੇ ਸ਼ੁੱਕਰਵਾਰ ਲਿਬਰਲ ਲੀਡਰਸ਼ਿਪ ਜਿੱਤੀ ਅਤੇ ਪ੍ਰਧਾਨ ਮੰਤਰੀ ਵਜੋਂ ਸਹੁੰ ਚੁੱਕੀ ਹੈ। ਕਿਹਾ ਜਾ ਰਿਹਾ ਹੈ ਕਿ ਅਗਲੀਆਂ ਚੋਣਾਂ 28 ਅਪ੍ਰੈਲ ਤੋਂ 5 ਮਈ ਵਿਚਕਾਰ ਹੋ ਸਕਦੀਆਂ ਹਨ।
