19.34C Vancouver 19.34C VancouverJul 26, 2021 4:36 PM -
ਮੈਰੀ ਸਾਈਮਨ ਅਧਿਕਾਰਿਤ ਤੌਰ ਤੇ ਕੈਨੇਡਾ ਦੇ 30 ਵੇਂ ਗਵਰਨਰ ਜਨਰਲ ਬਣ ਗਏ ਹਨ।
ਉਹ ਇਸ ਅਹੁਦੇ ਤੇ ਬੈਠਣ ਵਾਲੇ ਪਹਿਲੇ ਮੂਲ ਨਿਵਾਸੀ ਹਨ।
ਅੱਜ ਜਦ ਉਹਨਾਂ ਨੇ ਸੇਨੇਟ ਚੈਂਬਰ ਵਿੱਚ ਆਪਣੀ ਥਾਂ ਲਈ ਤਾਂ ਉਹਨਾਂ ਦੇ ਪਤੀ ਵ੍ਹਿਟ ਫ੍ਰੇਜਰ ਵੀ ਉੱਥੇ ਮੌਜੂਦ ਸਨ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇਸ ਮਹੀਨੇ ਰਾਣੀ ਦੇ ਨੁਮਾਇੰਦੇ ਦੇ ਤੌਰ ਤੇ ਸਾਈਮਨ ਦੇ ਨਾਮ ਦਾ ਐਲਾਨ ਕੀਤਾ ਸੀ ਅਤੇ ਕਿਹਾ ਸੀ ਕਿ ਓਹ ਜੁਲੀ ਪਾਏਟ ਦੀ ਥਾਂ ਲੈਣਗੇ।
ਸਾਈਮਨ ਇੱਕ ਮੂਲ ਨਿਵਾਸੀ ਨੇਤਾ ਹੋਣ ਦੇ ਨਾਲ ਕੈਨੇਡਾ ਦੀ ਡਿਪਲੋਮੇਟ ਵੀ ਰਹਿ ਚੁੱਕੇ ਹਨ।
ਉਹਨਾਂ ਦਾ ਨਾਮ ਉਸ ਵੇਲੇ ਸਾਹਮਣੇ ਆਇਆ ਸੀ ਜਦ ਕੈਨੇਡਾ ਵਿੱਚ ਕਈ ਸਾਬਕਾ ਰੈਜ਼ੀਡੇਨਸ਼ਿਅਲ ਸਕੂਲਾਂ ਵਿੱਚੋਂ ਬੱਚਿਆਂ ਦੇ ਪਿੰਜਰ ਬਰਾਮਦ ਹੋਏ ਹਨ।
ਇੱਕ ਸਟੇਟਮੇਂਟ ਵਿੱਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਕਿ ਉਹਨਾਂ ਨੂੰ ਉਮੀਦ ਹੈ ਕਿ ਮੂਲ ਨਿਵਾਸਿਆਂ ਨਾਲ ਕੈਨੇਡਾ ਦੇ ਰਿਸ਼ਤੇ ਬਿਹਤਰ ਕਰਨ ਵਿੱਚ ਉਹ ਅਹਿਮ ਭੂਮਿਕਾ ਨਿਭਾਉਣਗੇ। ਉਹਨਾਂ ਨੇ ਕਿਹਾ ਕਿ ਸਾਈਮਨ ਆਪਣੇ ਤਜਰਬਿਆਂ ਸਦਕਾ ਕੈਨੇਡਾ ਦੀ ਡਾਈਵਰਸਟੀ ਨੂੰ ਮੁਲਕ ਵਿੱਚ ਅਤੇ ਮੁਲਕ ਤੋਂ ਬਾਹਰ ਚੰਗੀ ਤਰ੍ਹਾਂ ਪੇਸ਼ ਕਰ ਸਕਣਗੇ।
