12.63C Vancouver 12.63C VancouverMay 21, 2020 4:13 PM -
ਔਟਿਜ਼ਮ ਕੈਨੇਡਾ ਅਤੇ ਅਸਥਮਾ ਕੈਨੇਡਾ ਉਨ੍ਹਾਂ ਸੰਸਥਾਵਾਂ ਵਿੱਚੋਂ ਦੋ ਹਨ ਜਿਨ੍ਹਾਂ ਨੇ ਫੇਸ ਮਾਸਕ ਪਾਉਣ ਦੀਆਂ ਹਦਾਇਤਾਂ ਬਾਰੇ ਚਿੰਤਾ ਜਤਾਈ ਹੈ।
ਕੈਨੇਡਾ ਦੇ ਚੀਫ ਪਬਲਿਕ ਹੈਲਥ ਅਫਸਰ ਡਾਕਟਰ ਟਰੀਸਾ ਟੈਮ ਨੇ ਕੋਵਿਡ -19 ਤੋਂ ਬਚਾਅ ਲਈ ਸਾਰੇ ਲੋਕਾਂ ਨੂੰ ਮਾਸਕ ਪਾਉਣ ਦੀ ਤਾਕੀਦ ਕੀਤੀ ਸੀ ਅਤੇ ਨਾਲ ਹੀ ਇਹ ਵੀ ਕਿਹਾ ਸੀ ਕਿ ਜਿਹੜੇ ਲੋਕ ਮਾਸਕ ਦੀ ਵਰਤੋਂ ਨਹੀਂ ਕਰ ਰਹੇ, ਉਨ੍ਹਾਂ ਦੇ ਫੈਸਲੇ ਦੀ ਇੱਜ਼ਤ ਕਰਨੀ ਚਾਹੀਦੀ ਹੈ।
ਅਸਥਮਾ ਕੈਨੇਡਾ ਦਾ ਕਹਿਣਾ ਹੈ ਕਿ ਜਿਹੜੇ ਲੋਕ ਦਮੇ ਤੋਂ ਪੀੜਤ ਹਨ, ਉਨ੍ਹਾਂ ਵਿੱਚ ਮਾਸਕ ਪਹਿਨਣ ਨਾਲ ਸਾਹ ਲੈਣ ਦੀ ਤਕਲੀਫ਼ ਦਾ ਖ਼ਤਰਾ ਵੱਧ ਸਕਦਾ ਹੈ।
ਔਟਿਜ਼ਮ ਕੈਨੇਡਾ ਮੁਤਾਬਕ ਉਹ ਵਿਅਕਤੀ ਅਤੇ ਬੱਚੇ ਜਿਨ੍ਹਾਂ ਨੂੰ ਔਟਿਜ਼ਮ ਹੈ ਅਤੇ ਜਿਨ੍ਹਾਂ ਦਾ ਨਰਵਸ ਸਿਸਟਮ ਬਹੁਤ ਨਾਜ਼ੁਕ ਹੈ ਉਨ੍ਹਾਂ ਲਈ ਮਾਸਕ ਕਈ ਤਰ੍ਹਾਂ ਦੀਆਂ ਮੁਸ਼ਕਿਲਾਂ ਖੜ੍ਹੀਆਂ ਕਰ ਸਕਦੇ ਹਨ।
ਜਿਹੜੇ ਲੋਕ ਸੁਣਨ ਤੋਂ ਅਸਮਰਥ ਅਤੇ ਬੁੱਲ੍ਹਾਂ ਨੂੰ ਪੜ੍ਹ ਕੇ ਦੂਜੇ ਦੀ ਗੱਲ ਸਮਝਦੇ ਹਨ, ਲਈ ਵੀ ਮਾਸਕ ਚੁਣੌਤੀਆਂ ਪੈਦਾ ਕਰ ਸਕਦੇ ਹਨ।
ਸੁਣਨ ਵਿੱਚ ਕਮਜ਼ੋਰ ਲੋਕਾਂ ਲਈ ਮੂੰਹ ਤੇ ਮਾਸਕ ਪਹਿਨੇ ਵਿਅਕਤੀ ਦੀ ਗੱਲ ਠੀਕ ਤਰ੍ਹਾਂ ਸਮਝਣਾ ਵੀ ਔਖਾ ਹੋ ਸਕਦਾ ਹੈ।
ਅਲਾਸਕਾ ਵਿੱਚ ਸਥਿਤ ਕੰਪਨੀ ਰੈਪਿਡ ਰਿਸਪਾਂਸ ਪੀ.ਪੀ.ਈ. ਵੱਲੋਂ ਅਜਿਹੇ ਵਿਅਕਤੀਆਂ ਲਈ ਕਲੀਅਰ ਸ਼ੀਲਡ ਵਾਲੇ ਖਾਸ ਮਾਸਕ ਤਿਆਰ ਕੀਤੇ ਜਾ ਰਹੇ ਹਨ।
