14.71C Vancouver 14.71C VancouverOct 3, 2022 7:27 PM - Connect News
ਮੇਅਰ ਡੱਗ ਮੈਕੱਲਮ ਦਾ ਕਹਿਣਾ ਹੈ ਕਿ ਉਨ੍ਹਾਂ ਸਰੀ ਵਿੱਚ ਫਰੇਜ਼ਰ ਦਰਿਆ ਦੇ ਕੰਢੇ ਅਸਥ ਘਾਟ ਬਣਾਉਣ ਦਾ ਇਤਹਾਸਕ ਫੈਸਲਾ ਲਿਆ ਹੈ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਸਰੀ ਵਿੱਚ ਵਸਦੇ ਸਾਊਥ ਏਸ਼ੀਅਨ ਅਤੇ ਵਿਸ਼ੇਸ਼ ਕਰਕੇ ਪੰਜਾਬੀ ਭਾਈਚਾਰੇ ਵੱਲੋਂ ਇਸ ਮੰਗ ਨੂੰ ਕਾਫੀ ਸਮੇਂ ਤੋਂ ਚੁੱਕਿਆ ਜਾ ਰਿਹਾ ਸੀ।
ਭਾਰਤੀ ਸੰਸਕ੍ਰਿਤੀ ਅਨੁਸਾਰ ਦੁਨੀਆ ਨੂੰ ਅਲਵਿਦਾ ਕਹਿ ਜਾਣ ਵਾਲੇ ਵਿਅਕਤੀ ਦੇ ਅੰਤਿਮ ਸੰਸਕਾਰ ਉਪਰੰਤ ਅਸਥੀਆਂ ਨੂੰ ਜਲ ਪ੍ਰਵਾਹ ਕੀਤਾ ਜਾਂਦਾ ਹੈ।
ਇਸੇ ਸੰਬੰਧੀ ਫਰੇਜ਼ਰ ਦਰਿਆ ਦੇ ਕੰਢੇ ਅਸਥ ਘਾਟ ਬਣਾਉਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਕਾਉਂਸਲਰ ਮਨਦੀਪ ਨਾਗਰਾ ਦਾ ਕਹਿਣਾ ਹੈ ਕਿ ਉਹ ਇਸ ਮਾਮਲੇ 'ਚ ਕਾਫੀ ਸਮੇਂ ਤੋਂ ਪੈਰਵੀ ਕਰ ਰਹੇ ਸਨ।
ਮੇਅਰ ਡੱਗ ਮੈਕੱਲਮ ਦਾ ਕਹਿਣਾ ਹੈ ਕਿ ਜੇਕਰ ਉਹ ਫਿਰ ਤੋਂ ਮੇਅਰ ਬਣਦੇ ਹਨ ਤਾਂ ਪਹਿਲੀ ਹੀ ਕਾਉਂਸਿਲ ਬੈਠਕ 'ਚ ਇਸ ਸੰਬੰਧੀ ਐਲਾਨ ਕਰ ਦਿੱਤਾ ਜਾਵੇਗਾ।
ਅੱਜ ਕਨੈਕਟ ਐਫ.ਐਮ. ਦੇ ਸਵੇਰ ਵਾਲਾ ਸ਼ੋਅ ਵਿੱਚ ਮਨਦੀਪ ਨਾਗਰਾ ਨੇ ਕਿਹਾ ਕਿ ਇਸ ਸੰਬੰਧੀ ਫੈਡਰਲ ਅਤੇ ਪ੍ਰੋਵਿੰਸ਼ੀਅਲ ਪੱਧਰ ਦੀਆਂ ਮਨਜੂਰੀਆਂ ਲੈ ਲਈਆਂ ਗਈਆਂ ਹਨ।
ਉਨ੍ਹਾਂ ਕਿਹਾ ਕਿ 11931 ਓਲਡ ਯੇਲ ਰੋਡ ਕੋਲ ਬਰਾਊਨਸਵਿਲ ਬਾਰ ਪਾਰਕ ਕੋਲ ਇਹ ਅਸਥ ਘਾਟ ਬਣਾਇਆ ਜਾਵੇਗਾ।
ਇਸ ਲੋਕੇਸ਼ਨ ਨੂੰ ਫੇਅਰਵੈਲ ਗਾਰਡਨਸ ਦਾ ਨਾਮ ਦਿੱਤਾ ਜਾਵੇਗਾ।
