20.68C Vancouver 20.68C VancouverOct 7, 2020 1:06 AM -
ਮੇਯਰ ਕੈਨੇਡੀ ਸਟੁਅਰਟ ਚਾਹੁੰਦੇ ਹਨ ਕਿ ਕਾਉਂਸੀਲਰਜ਼ ਇੱਕ ਕਈ ਮਿਲਿਅਨ ਡੌਲਰ ਦੇ ਪ੍ਰਸਤਾਅ ਨੂੰ ਸਹਿਯੋਗ ਦੇਣ, ਜੋ ਪੈਨਡੇਮਿਕ ਦੌਰਾਨ ਵੈਨਕੂਵਰ ਵਿਚ ਬੇਘਰ ਲੋਕਾਂ ਦੀ ਮਦਦ ਕਰਨ ਲਈ ਹੈ।
ਸਟੁਅਰਟ ਵੱਲੋਂ ਕਾਉਂਸਿਲ ਨੂੰ ਇੱਕ ਰੈਕਮੈਂਨਡੇਸ਼ਨ ਜਾਰੀ ਕੀਤੀ ਗਈ ਹੈ, ਤਾਂ ਜੋ $30 ਮਿਲਿਅਨ ਦੀ ਜ਼ਮੀਨ ਜਾਂ ਤਾਂ ਖਰੀਦੀ ਜਾਵੇ ਜਾਂ ਫਿਰ ਲੀਜ਼ 'ਤੇ ਲਈ ਜਾਵੇ, ਜਿਸ ਰਾਹੀਂ ਬੇਘਰ ਲੋਕਾਂ ਨੂੰ ਐਮਰਜੈਂਸੀ ਰਾਹਤ ਮੁਹੱਈਆ ਕਰਵਾਈ ਜਾ ਸਕੇ।
ਮੇਯਰ ਦੇ ਦਫ਼ਤਰ ਤੋਂ ਜਾਰੀ ਕੀਤੇ ਗਏ ਬਿਆਨ ਮੁਤਾਬਕ ਇਹ ਰੈਕਮੈਂਨਡੇਸ਼ਨ ਇੱਕ ਸਟਾਫ਼ ਰਿਪੋਰਟ ਦੇ ਆਧਾਰ 'ਤੇ ਤਿਆਰ ਕੀਤੀ ਗਈ ਹੈ।
ਇਸ ਵਿਚ ਖਾਲ੍ਹੀ ਪਏ ਅਪਾਰਟਮੈਂਟ ਕੌਂਮਪਲੈਕਸਿਸ ਨੂੰ ਰੈਂਟ ਜਾਂ ਲੀਜ਼ ਕਰਨਾ, ਅਤੇ ਕੌਮਰਸ਼ੀਅਲ ਹੋਟਲ ਅਤੇ ਹੋਰ ਇਮਾਰਤਾਂ ਦੀ ਵਰਤੋਂ, ਇਸ ਸਮੱਸਿਆ ਦੇ ਛੇਤੀ ਹੱਲ ਲਈ ਕਰਨ ਵਰਗੀਆਂ ਗੱਲਾਂ ਸ਼ਾਮਿਲ ਹਨ।
ਉਨ੍ਹਾਂ ਇਹ ਵੀ ਕਿਹਾ ਕਿ ਆਪਣੇ ਯੋਜਨਾ ਨੂੰ ਸਹਿਯੋਗ ਦੇਣ ਲਈ ਉਹ, ਫੈਡਰਲ ਅਤੇ ਸੂਬਾ ਸਰਕਾਰ ਤੋਂ ਫੰਡਸ ਦੀ ਉਮੀਦ ਕਰਦੇ ਰਹਿਣਗੇ।
ਉਮੀਦ ਕੀਤੀ ਜਾ ਰਹੀ ਹੈ ਕਿ ਕਾਉਂਸਿਲ ਵੱਲੋਂ ਵੀਰਵਾਰ ਨੂੰ ਇੱਕ ਖ਼ਾਸ ਮੀਟਿੰਗ ਦੌਰਾਨ ਇਨ੍ਹਾਂ ਰੈਕਮੈਂਨਡੇਸ਼ਨਜ਼ 'ਤੇ ਗੌਰ ਕੀਤਾ ਜਾਵੇਗਾ।
