13.82C Vancouver 13.82C VancouverFeb 23, 2024 5:21 PM - The Canadian Press
ਮਾਂਟਰੀਅਲ ਦੀ ਐੱਮ.ਸੀ. ਗਿੱਲ ਤੇ ਕੋਨਕੋਰਡੀਆ ਯੂਨੀਵਰਸਿਟੀ ਨੇ ਸੂਬੇ ਤੋਂ ਬਾਹਰ ਦੇ ਸਟੂਡੈਂਟਸ ਲਈ ਟਿਊਸ਼ਨ ਫੀਸ ਵਿਚ ਲਗਭਗ 30 ਫੀਸਦੀ ਵਾਧੇ ਦੇ ਫੈਸਲੇ ਖਿਲਾਫ ਸਰਕਾਰ ’ਤੇ ਕੇਸ ਕਰ ਦਿੱਤਾ ਹੈ।
ਵੱਖ-ਵੱਖ ਮੁਕੱਦਮਿਆਂ ਵਿਚ ਯੂਨੀਵਰਸਿਟੀਆਂ ਦਾ ਕਹਿਣਾ ਹੈ ਕਿ ਸਰਕਾਰ ਦਾ ਫੈਸਲਾ ਅਧਿਕਾਰਾਂ ਅਤੇ ਆਜ਼ਾਦੀ ਦੇ ਨਿਯਮਾਂ ਉਲੰਘਣਾ ਕਰਦਾ ਹੈ ਅਤੇ ਇਸ ਵਾਧੇ ਨੇ ਸਕੂਲਾਂ ਦੀ ਸਾਖ ਨੂੰ ਵੀ ਨੁਕਸਾਨ ਪਹੁੰਚਾਇਆ ਹੈ।
ਸਰਕਾਰ ਵਲੋਂ ਸੂਬੇ ਤੋਂ ਬਾਹਰ ਦੇ ਸਟੂਡੈਂਟਸ ਲਈ ਸਾਲਾਨਾ ਟਿਊਸ਼ਨ ਫੀਸ ਮੌਜੂਦਾ $9,000 ਤੋਂ ਵਧਾ ਕੇ $12,000 ਕੀਤੀ ਗਈ ਹੈ, ਜਦੋਂ ਕਿ ਇੰਟਰਨੈਸ਼ਨਲ ਸਟੂਡੈਂਟਸ ਨੂੰ $3,000 ਸਰਕਾਰ ਦੀ ਫੀਸ ਦੇ ਨਾਲ $20,000 ਦੇ ਆਧਾਰ ਦਰ ਦਾ ਭੁਗਤਾਨ ਕਰਨਾ ਹੋਵੇਗਾ।
ਇਹ ਵਾਧਾ 2024-25 ਦੇ ਅਕਾਦਮਿਕ ਸਾਲ ਦੇ ਸ਼ੁਰੂ ਵਿਚ ਲਾਗੂ ਕੀਤਾ ਜਾਣਾ ਹੈ। ਮਾਂਟਰੀਅਲ ਯੂਨੀਵਰਸਿਟੀਆਂ ਨੇ ਕੋਰਟ ਵਿਚ ਸੂਬਾ ਸਰਕਾਰ ਦੇ ਇਸ ਫੈਸਲੇ ’ਤੇ ਰੋਕ ਲਗਾਉਣ ਦੀ ਮੰਗ ਕੀਤੀ ਹੈ।
ਐੱਮ.ਸੀ. ਗਿੱਲ ਤੇ ਕੋਨਕੋਰਡੀਆ ਯੂਨੀਵਰਸਿਟੀ ਦਾ ਕਹਿਣਾ ਹੈ ਕਿ ਸਰਕਾਰ ਵਲੋਂ ਅਕਤੂਬਰ ਵਿਚ ਫੀਸ ਵਾਧੇ ਦੀ ਘੋਸ਼ਣਾ ਕੀਤੇ ਜਾਣ ਤੋਂ ਬਾਅਦ ਉਨ੍ਹਾਂ ਨੇ ਦਾਖਲਾ ਅਰਜ਼ੀਆਂ ਵਿਚ ਵੱਡੀ ਗਿਰਾਵਟ ਦਰਜ ਕੀਤੀ ਹੈ ਅਤੇ ਚਿਤਾਵਨੀ ਦਿੱਤੀ ਕਿ ਇਸ ਨਾਲ ਉਨ੍ਹਾਂ ਦੇ ਫਾਈਨਾਂਸ ਨੂੰ ਭਾਰੀ ਨੁਕਸਾਨ ਹੋਵੇਗਾ।
