27.31C Vancouver 27.31C VancouverJun 28, 2021 4:33 PM -
ਇੰਫ੍ਰਾਸਟਕਚਰ ਮਨਿਸਟਰ ਕੈਥਰੀਨ ਮੈਕਕੇਨਾ ਨੇ ਮੁੜ ਚੋਣਾਂ ਵਿੱਚ ਨਾ ਖੜੇ ਹੋਣ ਦਾ ਫੈਸਲਾ ਕੀਤਾ ਹੈ।
ਉਨ੍ਹਾਂ ਦਾ ਇਹ ਹੈਰਾਨੀਜਨਕ ਫੈਸਲਾ ਬੈਂਕ ਆਫ ਕੈਨੇਡਾ ਦੇ ਸਾਬਕਾ ਗਵਰਨਰ ਮਾਰਕ ਕਾਰਨੀ ਲਈ ਸਿਆਸਤ ਵਿੱਚ ਉਤਰਨ ਦਾ ਰਾਹ ਬਣਾ ਸਕਦਾ ਹੈ ਜੇ ਕਾਰਨੀ ਲਿਬਰਲ ਪਾਰਟੀ ਲਈ ਅਗਲੀਆਂ ਚੋਣਾਂ ਵਿੱਚ ਖੜ੍ਹਨ ਦਾ ਫੈਸਲਾ ਕਰਦੇ ਹਨ।
ਮੈਕਕੇਨਾ 2015 ਤੋਂ ਔਟਵਾ ਸੈਂਟਰ ਹਲਕੇ ਦੀ ਅਗਵਾਈ ਕਰਦੇ ਆਏ ਹਨ ਜੱਦ ਉਨ੍ਹਾਂ ਨੇ ਨਿਊ ਡੈਮੋਕਕ੍ਰੈਟਸ ਨੂੰ ਹਰਾਕੇ ਜਿੱਤ ਹਾਸਿਲ ਕੀਤੀ ਸੀ।
ਉਨ੍ਹਾਂ ਕਿਹਾ ਕਿ ਵੀਕਐਂਡ ਦੌਰਾਨ ਉਨ੍ਹਾਂ ਨੇ ਇਹ ਖ਼ਬਰ ਪ੍ਰਧਾਨ ਮੰਤਰੀ ਅਤੇ ਲਿਬਰਲ ਪਾਰਟੀ ਦੇ ਪ੍ਰੈਸੀਡੈਂਟ ਨਾਲ ਸਾਂਝੀ ਕੀਤੀ ਸੀ।
ਮਨਿਸਟਰ ਆਫ ਇੰਫ੍ਰਾਸਟਕਚਰ ਐਂਡ ਕਮਊਨਿਟੀਜ਼, ਮੈਕਕੇਨਾ ਅਨੁਸਾਰ ਕੋਵਿਡ -19 ਦੌਰਾਨ ਉਨ੍ਹਾਂ ਨੂੰ ਇਸ ਗੱਲ ਦਾ ਇਹਸਾਸ ਹੋਇਆ ਕਿ ਜ਼ਿੰਦਗੀ ਵਿੱਚ ਕਿਹੜੀਆਂ ਚੀਜ਼ਾਂ ਸਭ ਤੋਂ ਮਹੱਤਵਪੂਰਨ ਹਨ।
ਉਨ੍ਹਾਂ ਕਿਹਾ ਕਿ ਉਹ ਆਪਣੇ 3 ਬੱਚਿਆਂ ਨਾਲ ਸਮਾਂ ਗੁਜ਼ਾਰਨਾ ਚਾਹੁੰਦੇ ਹਨ ਅਤੇ ਕਲਾਈਮੇਟ ਚੇਂਜ ਲਈ ਹੋਰ ਕੰਮ ਕਰਨਾ ਚਾਹੁੰਦੇ ਹਨ।
