9.59C Vancouver 9.59C VancouverApr 2, 2020 8:39 PM -
ਮੇਲਾਨੀਆ ਟ੍ਰੰਪ ਦਾ ਕਹਿਣਾ ਹੈ ਕਿ ਉਨ੍ਹਾਂ ਸੋਫੀ ਟਰੂਡੋ ਦੇ ਨਾਲ ਗੱਲਬਾਤ ਕੀਤੀ ਹੈ, ਅਤੇ ਉਨ੍ਹਾਂ ਦੇ ਜਲਦੀ ਹੀ ਸਿਹਤਮੰਦ ਹੋਣ ਦੀ ਆਸ ਜਾਹਿਰ ਕੀਤੀ ਹੈ।
ਅਮਰੀਕਾ ਦੀ ਫਰਸਟ ਲੇਡੀ ਨੇ ਟਵਿਟਰ 'ਤੇ ਇਸਦਾ ਖੁਲਾਸਾ ਕੀਤਾ ਅਤੇ ਦੱਸਿਆ ਕਿ ਉਨ੍ਹਾਂ ਆਪਣੀ ਕਨੇਡੀਅਨ ਹਮਰੁਤਬਾ ਨਾਲ ਸੰਪਰਕ ਬਣਾਇਆ, ਅਤੇ ਦੋਨੇ ਦੇਸ਼ਾਂ ਦੇ ਚੰਗੇ ਸੰਬੰਧਾਂ ਬਾਰੇ ਵੀ ਗੱਲਬਾਤ ਕੀਤੀ ਅਤੇ ਦੋਨੇ ਦੇਸ਼ਾਂ ਸਾਹਮਣੇ ਖੜੀ ਕੋਵਿਡ-19 ਚੁਣੌਤੀ ਬਾਰੇ ਵੀ ਗੱਲ ਕੀਤੀ।
ਵਾਈਟ ਹਾਊਸ ਵੱਲੋਂ ਪ੍ਰਦਾਨ ਕੀਤੀ ਗਈ ਜਾਣਕਾਰੀ 'ਚ ਦੱਸਿਆ ਗਿਆ ਹੈ ਕਿ ਟ੍ਰੰਪ ਅਤੇ ਟਰੂਡੋ ਨੇ ਇਕਨਾਮਿਕ ਸੰਬੰਧਾਂ ਨੂੰ ਜਾਰੀ ਰੱਖਣ ਦੀ ਅਹਿਮੀਅਤ ਬਾਰੇ ਗੱਲਬਾਤ ਕੀਤੀ ਹੈ, ਅਤੇ ਦੱਸਿਆ ਗਿਆ ਹੈ ਕਿ ਹਰ ਰੋਜ $1.7 ਬਿਲੀਅਨ ਦੀ ਟਰੇਡ ਦਾ ਆਦਾਨ ਪ੍ਰਦਾਨ ਹੁੰਦਾ ਹੈ।
ਦੋਨਾਂ ਵੱਲੋਂ ਵੱਖੋ ਵੱਖਰੇ ਸਮੁੰਦਰੀ ਜਹਾਜਾਂ ਤੋਂ ਅਮਰੀਕਨ ਅਤੇ ਕਨੇਡੀਅਨ ਨਾਗਰਿਕਾਂ ਨੂੰ ਆਪੋ-ਆਪਣੇ ਦੇਸ਼ ਲਿਆਉਣ ਬਾਰੇ ਹੋ ਰਹੇ ਯਤਨਾਂ 'ਤੇ ਵੀ ਗੱਲਬਾਤ ਹੋਈ।
