16.84C Vancouver 16.84C VancouverJan 12, 2021 10:25 PM -
ਵੁਆਵੇ ਦੀ ਐਗਜ਼ੀਕਿਊਟਿਵ ਮੰਗ ਵੰਜੋ ਦੀ ਇੱਕ ਵਾਰ ਫਿਰ ਤੋਂ ਬੀ.ਸੀ. ਸੁਪ੍ਰੀਮ ਕੋਰਟ 'ਚ ਵਾਪਸੀ ਹੋਈ ਹੈ।
ਮੰਗ ਵੰਜੋ ਦੀ ਜ਼ਮਾਨਤ ਸੰਬੰਧੀ ਵਧੇਰੇ ਢਿੱਲ ਦੇਣ ਦੀ ਮੰਗ ਕੀਤੀ ਜਾ ਰਹੀ ਹੈ।
ਮੰਗ ਵੰਜੋ ਦੇ ਪਤੀ, ਲਿਊ ਜ਼ਿਆਓਜੌਂਗ ਨੇ ਆਪਣੀ ਗਵਾਹੀ ਦੌਰਾਨ ਦੱਸਿਆ ਕਿ ਮੰਗ ਵੰਜੋ ਦਾ ਕੋਵਿਡ-19 ਤੋਂ ਸੰਕ੍ਰਮਿਤ ਹੋਣ ਦਾ ਖਤਰਾ ਵਧੇਰੇ ਹੈ ਕਿਉਂਕਿ ਉਸ ਦੇ ਘਰੋਂ ਨਿਕਲਦੇ ਹੋਏ, ਉਸ ਨੂੰ ਵੱਡੀ ਗਿਣਤੀ 'ਚ ਸਿਕਿਉਰਿਟੀ ਦੇ ਲੋਕ ਘੇਰ ਕੇ ਰੱਖਦੇ ਹਨ।
ਉਨ੍ਹਾਂ ਦੱਸਿਆ ਕਿ ਮੰਗ ਵੰਜੋ ਪਹਿਲਾਂ ਵੀ ਥਾਇਰਾਇਡ ਕੈਂਸਰ ਤੋਂ ਪੀੜਤ ਰਹੀ ਸਨ ਅਤੇ ਉਹ ਹਾਈਪਰਟੈਨਸ਼ਨ ਦੀ ਮਰੀਜ਼ ਹੈ।
ਉਨ੍ਹਾਂ ਇਹ ਵੀ ਕਿਹਾ ਕਿ ਉਸ ਦਾ ਪੁੱਤਰ ਅਤੇ ਧੀ, ਵੱਡੀ ਗਿਣਤੀ 'ਚ ਸਿਕਿਉਰਿਟੀ ਵਿਚਾਲੇ ਵੈਨਕੂਵਰ ਪਹੁੰਚਣ 'ਤੇ ਆਪਣੀ ਪਛਾਣ ਜਨਤਕ ਹੋਣ ਤੋਂ ਘਬਰਾਉਂਦੇ ਹਨ।
ਮੰਗ ਵੰਜੋ ਦੇ ਵਕੀਲਾਂ ਦਾ ਕਹਿਣਾ ਹੈ ਕਿ, ਉਹ ਚਾਹੁੰਦੇ ਹਨ ਕਿ ਮੰਗ ਵੰਜੋ ਨੂੰ ਆਪਣੇ ਘਰ ਤੋਂ ਬਾਹਰ, ਸਿਕਿਉਰਿਟੀ ਦੇ ਬਗੈਰ, ਕਰਫਿਊ ਦੇ ਘੰਟਿਆਂ ਤੋਂ ਬਾਅਦ ਵੀ ਨਿਕਲਣ ਦੀ ਇਜਾਜ਼ਤ ਦਿੱਤੀ ਜਾਵੇ।
ਇਹ ਕਰਫਿਊ ਘੰਟੇ ਰਾਤ 11 ਵਜੇ ਤੋਂ ਸਵੇਰੇ 6 ਵਜੇ ਤੱਕ ਦੇ ਹਨ।
ਯਾਦ ਰਹੇ ਮੰਗ ਵੰਜੋ ਨੂੰ ਹਰ ਵੇਲੇ ਇੱਕ ਇਲੈਕਟ੍ਰੌਨਿਕ ਮਾਨੀਟ੍ਰਿੰਗ ਡਿਵਾਈਸ ਪਹਿਨ ਕੇ ਰੱਖਣੀ ਪੈਂਦੀ ਹੈ ਅਤੇ ਉਸ ਨੂੰ ਵੈਨਕੂਵਰ 'ਚ ਕੁਝ ਸੀਮਤ ਥਾਵਾਂ ਤੱਕ ਪਹੁੰਚ ਦੀ ਇਜਾਜ਼ਤ ਹੈ।
