22.53C Vancouver 22.53C VancouverNov 16, 2022 1:34 AM - Connect News
ਬੀ.ਸੀ. 'ਚ ਮੈਰਿਟ ਦੇ ਇਲਾਕੇ 'ਚ ਮਲਟੀਪਲ ਸ਼ੂਟਿੰਗ ਦੀਆਂ ਘਟਨਾਵਾਂ ਸੰਬੰਧੀ ਵਧੇਰੇ ਜਾਣਕਾਰੀ ਉਜਾਗਰ ਹੋਈ ਹੈ।
ਸ਼ਹਿਰ ਦੇ ਮੇਅਰ ਅਨੁਸਾਰ ਇਲਾਕੇ 'ਚ 100 ਤੋਂ ਵਧੇਰੇ ਗੋਲੀਆਂ ਚੱਲੀਆਂ ਦੱਸੀਆਂ ਗਈਆਂ ਹਨ।
ਗੋਲੀ ਚੱਲਣ ਸੰਬੰਧੀ ਮਾਮਲੇ ਮੰਗਲਵਾਰ ਤੜਕੇ ਦੇ ਦੱਸੇ ਗਏ ਹਨ ਹਾਲਾਂਕਿ ਹਾਲ ਦੀ ਘੜੀ ਕਿਸੇ ਦੇ ਜਖਮੀ ਹੋਣ ਸੰਬੰਧੀ ਜਾਣਕਾਰੀ ਨਹੀਂ ਮਿਲੀ ਹੈ।
ਆਰ.ਸੀ.ਐਮ.ਪੀ. ਅਨੁਸਾਰ ਸ਼ੂਟਿੰਗ ਦੀਆਂ ਮਲਟੀਪਲ ਵਾਰਦਾਤਾਂ ਮੈਰਿਟ, ਕੋਲਡਵਾਟਰ ਅਤੇ ਮੈਮਟ ਲੇਕ ਦੇ ਇਲਾਕੇ 'ਚ ਨਿਕੋਲਾ ਵੈਲੀ 'ਚ ਸਵੇਰ 5 ਵਜੇ ਤੋਂ 6.30 ਵਜੇ ਦਰਮਿਆਨ ਵਾਪਰੀਆਂ।
ਨਿਕੋਲਾ ਵੈਲੀ ਦੀ ਆਬਾਦੀ ਕਰੀਬ 7,000 ਹੈ। ਮੈਰਿਟ ਆਰ.ਸੀ.ਐਮ.ਪੀ. ਅਨੁਸਾਰ ਗੋਲੀ ਚੱਲਣ ਦੀਆਂ ਵਾਰਦਾਤਾਂ ਇੱਕ-ਦੂਜੇ ਨਾਲ ਸੰਬੰਧਤ ਸਨ ਅਤੇ ਟਾਰਗੈਟਿਡ ਮੰਨੀਆਂ ਜਾ ਰਹੀਆਂ ਹਨ।
ਸਾਰਜੈਂਟ ਜੌਸ਼ ਰੋਡਾ ਦਾ ਕਹਿਣਾ ਸੀ ਕਿ ਹਾਲ ਦੀ ਘੜੀ ਪਬਲਿਕ ਲਈ ਵਧੇਰੇ ਖਤਰਾ ਨਹੀਂ ਮੰਨਿਆ ਜਾ ਰਿਹਾ ਅਤੇ ਜਿਹੜੇ ਇਲਾਕੇ 'ਚ ਗੋਲੀਆਂ ਚੱਲੀਆਂ, ਉੱਥੇ ਪੁਲਿਸ ਵੱਡੀ ਗਿਣਤੀ 'ਚ ਹਾਜਰ ਹੈ।
ਸਵੇਰ 10 ਵਜੇ ਤਕ ਘਟਨਾਵਾਂ ਸੰਬੰਧੀ ਕੋਈ ਵਿਕਟਿਮ ਲੋਕੇਟ ਨਹੀਂ ਹੋਏ ਸਨ।
ਲੋਕਲ ਸਕੂਲ ਡਿਸਟ੍ਰਿਕਟ ਅਨੁਸਾਰ ਇਹ ਘਟਨਾਵਾਂ ਸਕੂਲਾਂ ਨਾਲ ਸੰਬੰਧਤ ਨਹੀਂ ਸਨ।
