ਮੈਟਰੋ ਵੈਨਕੂਵਰ ਕ੍ਰਾਈਮ ਸਟਾਪਰਜ਼ ਨੇ ਹੈਲੋਵੀਨ ਮੌਕੇ ਪੰਜ ਵਾਟੇਂਡ ਮੁਲਜ਼ਮਾਂ ਨੂੰ ਲੱਭਣ ਲਈ ਮੰਗੀ ਮਦਦ

ਮੈਟਰੋ ਵੈਨਕੂਵਰ ਕ੍ਰਾਈਮ ਸਟਾਪਰਜ਼ ਨੇ ਹੈਲੋਵੀਨ ਮੌਕੇ ਡੈਲਟਾ ਦੇ 26 ਸਾਲਾ ਗੁਰਕੀਰਤ ਸਿੰਘ ਸਮੇਤ ਪੰਜ ਵਾਟੇਂਡ ਮੁਲਜ਼ਮਾਂ ਨੂੰ ਲੱਭਣ ਵਿਚ ਮਦਦ ਲਈ ਬੀ. ਸੀ. ਵਾਸੀਆਂ ਤੋਂ ਸਹਿਯੋਗ ਮੰਗਿਆ ਹੈ। ਸਿਟੀ ਕੌਂਸਲਰ ਅਤੇ ਮੈਟਰੋ ਵੈਨਕੂਵਰ ਕ੍ਰਾਈਮ ਸਟੌਪਰਸ ਲਈ ਕਾਰਜਕਾਰੀ ਨਿਰਦੇਸ਼ਕ ਲਿੰਡਾ ਐਨਿਸ ਨੇ ਅੱਜ ਇੱਕ ਪ੍ਰੈੱਸ ਕਾਨਫਰੰਸ ਦੌਰਾਨ ਕਿਹਾ ਕਿ ਇਸ ਲਿਸਟ ਵਿਚ ਉਹ ਦੋ ਸ਼ੱਕੀ ਵੀ ਸ਼ਾਮਲ ਹਨ ਜੋ ਵੈਨਕੂਵਰ ਵਿਚ ਵੱਡੇ ਨਸ਼ਾ ਤਸਕਰੀ ਮਾਮਲੇ ਵਿਚ ਗ੍ਰਿਫ਼ਤਾਰੀ ਤੋਂ ਬਾਅਦ ਫਰਾਰ ਹਨ।

ਗੁਰਕੀਰਤ 16 ਸਾਲ ਤੋਂ ਘੱਟ ਉਮਰ ਦੀ ਲੜਕੀ ਨਾਲ ਜਿਨਸੀ ਸੋਸ਼ਣ ਦੇ ਸਬੰਧ ਵਿਚ ਕੈਨੇਡਾ ਦੀ 25 ਮੌਸਟ ਵਾਟੇਂਡ ਲਿਸਟ ਵਿਚ ਸ਼ਾਮਲ ਹੈ, ਵੈਨਕੂਵਰ ਵਿਚ ਡਰੱਗ ਤਸਕਰੀ ਦੀ ਜਾਂਚ ਦੇ ਸਿਲਸਿਲੇ ਵਿਚ 43 ਸਾਲਾ Omid Mashinchi ਅਤੇ 40 ਸਾਲਾ Amir Navarchi ਵਾਂਟੇਡ ਹਨ, ਇਹ ਦੋਵੇਂ ਜ਼ਮਾਨਤ 'ਤੇ ਰਿਹਾਅ ਹੋਣ ਤੋਂ ਬਾਅਦ ਫਰਾਰ ਚੱਲ ਰਹੇ ਹਨ। Mashinchi ਦਾ ਨਾਂ ਵੀ ਕੈਨੇਡਾ ਦੀ 25 ਮੌਸਟ ਵਾਟੇਂਡ ਲਿਸਟ ਵਿਚ ਹੈ।

ਦੋ ਹੋਰ ਮੁਲਜ਼ਮਾਂ ਵਿਚ 64 ਸਾਲਾ John Norman Mackenzie ਅਤੇ 43 ਸਾਲਾ Jean-Sebastien Philippe Eric Ferland ਸ਼ਾਮਲ ਹਨ। ਐਨਿਸ ਨੇ ਕਿਹਾ ਕਿ ਹਰ ਸਾਲ ਅਸੀਂ ਹੈਲੋਵੀਨ ਮੌਕੇ ਕੁਝ ਖ਼ਤਰਨਾਕ ਮੁਲਜ਼ਮਾਂ ਬਾਰੇ ਚਿਤਾਵਨੀ ਦਿੰਦੇ ਹਾਂ ਤਾਂ ਜੋ ਉਨ੍ਹਾਂ ਦੀ ਰਿਪੋਰਟ ਮਿਲ ਸਕੇ, ਉਨ੍ਹਾਂ ਕਿਹਾ ਕਿ ਕ੍ਰਾਈਮ ਸਟਾਪਰਜ਼ ਨੂੰ ਤੁਸੀਂ ਬੇਝਿਜਕ ਸੂਚਨਾ ਦੇ ਸਕਦੇ ਹੋ ਤੁਹਾਨੂੰ ਕਦੇ ਵੀ ਸਵਾਲ-ਜਵਾਬ ਜਾਂ ਗਵਾਹੀ ਦੇਣ ਲਈ ਨਹੀਂ ਬੁਲਾਇਆ ਜਾਵੇਗਾ।