24.23C Vancouver 24.23C VancouverJun 16, 2020 9:34 PM -
ਸੀਨੀਅਰ ਮਿਲਟਰੀ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ, ਸਾਈਕਲੋਨ ਹੈਲੀਕਾਪਟਰ ਅਤੇ ਉਸ ਦੇ ਪਾਈਲਟ ਦੇ ਵਿਚਾਲੇ 'ਕੁਝ ਤਕਰਾਰ ਜਿਹੇ ਹਾਲਾਤ' ਸਨ, ਜਦ ਇਹ ਹੈਲੀਕਾਪਟਰ ਗ੍ਰੀਸ ਦੇ ਆਇਓਨੀਅਨ ਸਮੁੰਦਰ ਦੇ ਪਾਣੀਆਂ 'ਚ ਕ੍ਰੈਸ਼ ਕਰ ਗਿਆ ਸੀ।
ਘਟਨਾ ਅਪ੍ਰੈਲ 'ਚ ਵਾਪਰੀ ਸੀ। ਰਾਇਲ ਕਨੇਡੀਅਨ ਏਅਰ ਫੋਰਸ ਦਾ ਕਹਿਣਾ ਹੈ ਕਿ ਇਹ ਪ੍ਰੇਸ਼ਾਨੀ ਕਿਸ ਪ੍ਰਕਾਰ ਦੀ ਸੀ, ਇਹ ਜਾਂਚ ਦਾ ਵਿਸ਼ਾ ਹੈ।
ਹਾਲਾਂਕਿ ਫਿਲਹਾਲ ਸਾਈਕਲੋਨ ਜਹਾਜ਼ਾਂ ਦੀ ਵਰਤੋਂ ਕਰਨਾ ਜਾਰੀ ਰਹੇਗਾ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਵੱਲੋਂ ਨਵੀਂ ਟਰੇਨਿੰਗ ਸੰਬੰਧੀ ਫੈਸਲੇ ਲਏ ਜਾ ਰਹੇ ਹਨ ਅਤੇ ਕੁਝ ਪਬੰਦੀਆਂ ਵੀ ਲਗਾਈਆਂ ਜਾ ਰਹੀਆਂ ਹਨ, ਤਾਂ ਜੋ ਅਜਿਹੀਆਂ ਘਟਨਾਵਾਂ ਭਵਿੱਖ 'ਚ ਨਾ ਵਾਪਰਨ।
ਘਟਨਾ ਤੋਂ ਬਾਅਦ ਹੈਲੀਕਾਪਟਰ ਨਾਲ ਸੰਬੰਧਤ ਸਾਰੇ ਫਲੀਟ 'ਤੇ ਟੈਂਪਰੇਰੀ ਪੱਧਰ 'ਤੇ ਰੋਕ ਲੱਗ ਗਈ ਸੀ।
ਯਾਦ ਰਹੇ 29 ਅਪ੍ਰੈਲ ਦੀ ਘਟਨਾ 'ਚ 6 ਸਰਵਿਸ ਮੈਂਬਰਾਂ ਦੀ ਜਾਨ ਜਾਂਦੀ ਰਹੀ ਸੀ।
ਅੱਜ ਕਰਨਲ ਜੌਨ ਐਲਿਕਜ਼ੈਂਡਰ ਨੇ ਕਿਹਾ ਕਿ ਪ੍ਰੇਸ਼ਾਨੀ ਅਤੇ ਜਹਾਜ਼ ਦੀ ਲੋਕੇਸ਼ਨ ਨੂੰ ਵੇਖਦਿਆਂ ਇਸ ਕ੍ਰੈਸ਼ ਤੋਂ ਬਚਾਅ ਹੋਣ ਦੀ ਸੰਭਾਵਨਾ ਨਹੀਂ ਸੀ।
