12.43C Vancouver 12.43C VancouverJun 22, 2021 3:11 PM -
ਕੈਨੇਡਾ ਦੇ ਮਿਲਿਟਰੀ ਓਮਬਡਸਮੈਨ ਫੈਡਰਲ ਲਿਬਰਲ ਸਰਕਾਰ ਤੋਂ ਕਨੇਡੀਅਨ ਆਰਮਡ ਫੋਰਸਜ਼ ’ਤੇ ਸੁਤੰਤਰ ਢੰਗ ਨਾਲ ਨਜ਼ਰ ਰੱਖਣ ਦੀਆਂ ਸ਼ਕਤੀਆਂ ਆਪਣੇ ਆਫ਼ਿਸ ਨੂੰ ਦੇਣ ਦੀ ਮੰਗ ਕਰ ਰਹੇ ਹਨ।
ਓਮਬਡਸਮੈਨ ਗ੍ਰੇਗ ਲਿੱਕ ਦਾ ਕਹਿਣਾ ਹੈ ਕਿ ਬੀਤੇ 30 ਸਾਲਾਂ ਦੌਰਾਨ ਸਾਹਮਣੇ ਆਏ ਅਣਗਿਣਤ ਸਕੈਂਡਲ ਅਤੇ ਸੰਕਟ ਕਾਰਣ ਫੌਜੀਆਂ ਅਤੇ ਹੋਰਾਂ ਦੀ ਰੱਖਿਆ ਲਈ ਬਾਹਰੀ ਨਿਗਰਾਨੀ ਦੀ ਮੰਗ ਕੀਤੀ ਜਾ ਰਹੀ ਹੈ।
ਇਸ ਵਿੱਚ ਮੌਜੂਦਾ ਜਿਨਸੀ ਦੁਰਾਚਾਰ ਦੇ ਵਿਵਾਦ ਵੀ ਸ਼ਾਮਲ ਹਨ ਜੋ ਸੀਨੀਅਰ ਰੈਂਕ ਦੇ ਅਧਿਕਾਰੀਆਂ ਨਾਲ ਸੰਬੰਧਤ ਹਨ।
ਲਿੱਕ ਮੁਤਾਬਕ ਅੰਦੂਰਨੀ ਵਿਧੀਆਂ ਜੋ ਉਨ੍ਹਾਂ ਲੋਕਾਂ ਦਾ ਸਮਰਥਨ ਕਰਨ ਲਈ ਸਨ ਜਿਨ੍ਹਾਂ ਨੇ ਦੁਰਾਚਾਰਾਂ ਦਾ ਸਾਹਮਣਾ ਕੀਤਾ ਹੈ, ਸਹੀ ਨਤੀਜਿਆਂ ਨੂੰ ਯਕੀਨੀ ਬਣਾਉਣ ਵਿੱਚ ਅਸਫਲ ਰਹੀਆਂ ਹਨ।
ਜਦੋਂਕਿ ਆਰਮਡ ਫੋਰਸਿਜ਼ ਅਤੇ ਡਿਫੈਂਸ ਡਿਪਾਰਟਮੈਂਟ, ਸਰਕਾਰਾਂ ਅਤੇ ਨੇਤਾ ਹਰ ਵਾਰ ਜਨਤਕ ਤੌਰ 'ਤੇ ਅਜਿਹੀਆਂ ਸਿਫਾਰਸ਼ਾਂ ’ਤੇ ਸਹਿਮਤ ਹੋਏ ਹਨ, ਲਿੱਕ ਨੇ ਦੋਸ਼ ਲਗਾਇਆ ਹੈ ਕਿ ਇਹ ਸਿਰਫ ਦਖਾਵੇ ਲਈ ਹੈ।
ਲਿੱਕ ਦਾ ਕਹਿਣਾ ਹੈ ਕਿ ਸੀਨੀਅਰ ਕਮਾਂਡਰ ਅਤੇ ਰੱਖਿਆ ਅਧਿਕਾਰੀ ਅਸਲ ਵਿੱਚ ਬਾਹਰੀ ਦਖਲਅੰਦਾਜ਼ੀ ਤੋਂ ਬਚਾਅ ਲਈ ਲੜਦੇ ਆਏ ਹਨ, ਜਦੋਂ ਕਿ ਸਰਕਾਰਾਂ ਇਸ ਨੂੰ ਨਜ਼ਰ ਅੰਦਾਜ਼ ਕਰਦੀਆਂ ਆਈਆਂ ਹਨ।
ਲਿੱਕ, ਜੋ ਅੱਜ ਇਸ ਸੰਬੰਧ ਵਿੱਚ ਇੱਕ ਰਿਪੋਰਟ ਸਾਂਝੀ ਕਰਨ ਜਾ ਰਹੇ ਹਨ ਦਾ ਕਹਿਣਾ ਹੈ ਕਿ ਕਾਫ਼ੀ ਅਧਿਐਨ ਅਤੇ ਸਮੀਖਿਆਵਾਂ ਹੋ ਚੁੱਕੀਆਂ ਹਨ ਅਤੇ ਜੇ ਹੁਣ ਸੁਤੰਤਰ ਨਿਗਰਾਨੀ ਸਥਾਪਤ ਨਹੀਂ ਕੀਤੀ ਜਾਂਦੀ, ਤਾਂ ਸੇਵਾ ਮੈਂਬਰਾਂ ਨੂੰ ਪ੍ਰੇਸ਼ਾਨੀ ਹੁੰਦੀ ਰਹੇਗੀ।
