11.1C Vancouver 11.1C VancouverMay 26, 2020 2:42 PM -
ਕਨੇਡੀਅਨ ਫੋਰਸਜ਼ ਮੁਤਾਬਕ ਔਨਟੈਰੀਓ ਅਤੇ ਕਿਊਬੈੱਕ ਵਿੱਚ ਲੌਂਗ-ਟਰਮ ਕੇਅਰ ਹੋਮਾਂ ਵਿੱਚ ਕੰਮ ਕਰ ਰਹੇ ਉਨ੍ਹਾਂ ਦੇ 36 ਮੈਂਬਰ ਹੁਣ ਕੋਵਿਡ-19 ਤੋਂ ਪੀੜਤ ਹਨ।
ਕੁਝ ਦਿਨ ਪਹਿਲਾਂ ਫੋਰਸ ਦੇ 28 ਮੈਂਬਰਾਂ ਦੇ ਨੋਵਲ ਕਰੋਨਾਵਾਇਰਸ ਤੋਂ ਪੀੜਤ ਹੋਣ ਦੀ ਪੁਸ਼ਟੀ ਕੀਤੀ ਗਈ ਸੀ।
ਦੋਵੇਂ ਸੂਬਿਆਂ ਵਿੱਚ ਵਾਇਰਸ ਦੇ ਫੈਲਾਅ ਤੋਂ ਪ੍ਰਭਾਵਿਤ ਨਰਸਿੰਗ ਹੋਮਾਂ ਵਿੱਚ ਕੰਮ ਕਰ ਰਹੇ ਮੁਲਾਜ਼ਮਾਂ ਦੀ ਘੱਟ ਗਿਣਤੀ ਨੂੰ ਦੇਖਦਿਆਂ ਮਿਲਟਰੀ ਵੱਲੋਂ ਸਹਿਯੋਗ ਪ੍ਰਦਾਨ ਕੀਤਾ ਜਾ ਰਿਹਾ ਹੈ।
ਮਿਲਟਰੀ ਦੇ ਮੈਂਬਰ ਜ਼ਿਆਦਾਤਰ ਖਾਣ ਪੀਣ ਦੀਆਂ ਸੇਵਾਵਾਂ ਅਤੇ ਮੈਡੀਕਲ ਉਪਕਰਨਾਂ ਦੀ ਸੰਭਾਲ ਵਿਚ ਸਹਿਯੋਗ ਦੇ ਰਹੇ ਹਨ।
ਕੋਵਿਡ-19 ਤੋਂ ਪੀੜਤ ਮਿਲਟਰੀ ਦੇ 14 ਮੈਂਬਰ ਔਨਟੈਰੀਓ ਦੇ ਵਿੱਚ ਹਨ ਅਤੇ 22 ਕਿਊਬੈੱਕ ਵਿੱਚ ਹਨ।
ਪਹਿਲਾਂ ਮਿਲਟਰੀ ਵੱਲੋਂ ਨਵੇਂ ਮਾਮਲਿਆਂ ਬਾਰੇ ਜਾਣਕਾਰੀ ਹਰ ਦੋ ਹਫਤੇ ਬਾਅਦ ਸਾਂਝੀ ਕੀਤੀ ਜਾਣੀ ਸੀ ਪਰ ਹੁਣ ਇਹ ਅੰਕੜੇ ਹਰ ਰੋਜ਼ ਜਨਤਕ ਕੀਤੇ ਜਾ ਰਹੇ ਹਨ।
