7.23C Vancouver 7.23C VancouverJul 14, 2025 11:28 AM - The Canadian Press
ਮੈਨੀਟੋਬਾ ਦੇ ਗਾਰਡਨ ਹਿੱਲ ਫਸਟ ਨੇਸ਼ਨ ਤੋਂ ਕੈਨੇਡੀਅਨ ਆਰਮਡ ਫੋਰਸਿਜ਼ ਨੇ ਇੱਕ ਹਜ਼ਾਰ ਤੋਂ ਵੱਧ ਲੋਕਾਂ ਨੂੰ ਜੰਗਲ ਦੀ ਅੱਗ ਦੇ ਖ਼ਤਰੇ ਤੋਂ ਬਾਹਰ ਕੱਢਿਆ ਹੈ। ਮਿਲਟਰੀ ਨੇ ਕਿਹਾ ਕਿ ਉਸ ਵਲੋਂ ਇਸ ਲਈ CC-130 ਹਰਕੂਲਸ ਟਰਾਂਸਪੋਰਟ ਜਹਾਜ਼ਾਂ ਦਾ ਇਸਤੇਮਾਲ ਕੀਤਾ ਗਿਆ,ਇਹ ਇੱਕ ਰਿਮੋਟ ਕਮਿਊਨਿਟੀ ਹੈ। ਗਾਰਡਨ ਹਿੱਲ ਫਸਟ ਨੇਸ਼ਨ ਦੇ 1,550 ਤੋਂ ਵੱਧ ਲੋਕਾਂ ਨੂੰ ਮਿਲਟਰੀ ਨੇ ਵਿਨੀਪੈਗ ਵਿਚ ਸ਼ਿਫਟ ਕੀਤਾ ਹੈ। ਇਹ ਕਮਿਊਨਿਟੀ ਵਿਨੀਪੈੱਗ ਤੋਂ ਲਗਭਗ 500 ਕਿਲੋਮੀਟਰ ਉੱਤਰ ਵਿਚ ਹੈ ਅਤੇ ਸੜਕ ਰਾਹੀਂ ਇੱਥੇ ਪਹੁੰਚਣਾ ਸੰਭਵ ਨਹੀਂ ਹੈ।
ਗੌਰਤਲਬ ਹੈ ਕਿ ਜੰਗਲੀ ਅੱਗ ਕਾਰਨ ਮੈਨੀਟੋਬਾ ਐਮਰਜੈਂਸੀ ਸਥਿਤੀ ਵਿਚ ਹੈ, ਪ੍ਰੀਮੀਅਰ ਵੈਬ ਕੀਨਿਊ ਨੇ ਪਿਛਲੇ ਹਫ਼ਤੇ ਇਸ ਦਾ ਐਲਾਨ ਕੀਤਾ ਸੀ। ਸੂਬੇ ਵਿਚ ਸ਼ੁੱਕਰਵਾਰ ਤੱਕ 12,000 ਤੋਂ ਵੱਧ ਲੋਕ ਆਪਣੇ ਘਰਾਂ ਤੋਂ ਬਾਹਰ ਸਨ ਅਤੇ ਉਨ੍ਹਾਂ ਵਿਚੋਂ ਵੱਡੀ ਗਿਣਤੀ ਲੋਕਾਂ ਦੇ ਟੈਂਪਰੇਰੀ ਰਹਿਣ ਦੀ ਵਿਵਸਥਾ ਵਿਨੀਪੈਗ ਵਿਚ ਕੀਤੀ ਗਈ ਹੈ।
