15.79C Vancouver 15.79C VancouverApr 28, 2022 11:24 PM - Connect News
ਵੈਨਕੂਵਰ ਆਈਲੈਂਡ 'ਤੇ ਸਾਨੀਚ ਪੁਲਿਸ ਵੱਲੋਂ ਇੱਕ ਵੱਡੀ ਜਬਤਗੀ ਕੀਤੀ ਗਈ ਹੈ।
ਇਸ ਦੌਰਾਨ ਆਰਟਵਰਕ ਨਾਲ ਸੰਬੰਧਤ ਹਜ਼ਾਰਾਂ ਪੇਂਟਿੰਗਸ ਬਰਾਮਦ ਕੀਤੀਆਂ ਗਈਆਂ ਹਨ।
ਇਸ ਦੀ ਕੀਮਤ ਕਈ ਮਿਲੀਅਨ ਡਾਲਰ ਦੀ ਮੰਨੀ ਜਾ ਰਹੀ ਹੈ।
ਮਾਮਲਾ ਓਕ ਬੇਅ ਨਾਲ ਸੰਬੰਧਤ ਹੈ।
ਇਹ ਜਬਤਗੀ ਉਸ ਵੇਲੇ ਕੀਤੀ ਗਈ ਜਦ ਅਫਸਰਾਂ ਵੱਲੋਂ ਇੱਕ ਆਰਟ ਡੀਲਰ ਸੰਬੰਧੀ ਜਾਂਚ ਕੀਤੀ ਗਈ।
ਮਾਮਲੇ 'ਚ ਇਨਵੈਸਟੀਗੇਸ਼ਨ 11 ਅਪ੍ਰੈਲ ਨੂੰ ਸ਼ੁਰੂ ਹੋਈ ਸੀ।
ਪੁਲਿਸ ਨੂੰ ਰਿਪੋਰਟ ਮਿਲੀ ਸੀ ਕਿ ਕਿਸੇ ਨੇ 4 ਪੇਂਟਿੰਗਸ ਇੱਕ ਵਿਅਕਤੀ ਨੂੰ ਕਨਸਾਈਨਮੈਂਟ ਸੇਲ ਦੇ ਤੌਰ 'ਤੇ ਦਿੱਤੀਆਂ ਸਨ ਪਰ ਬਾਅਦ 'ਚ ਉਸ ਨਾਲ ਕੋਈ ਗੱਲਬਾਤ ਹੀ ਨਹੀਂ ਹੋਈ।
ਇਸ 'ਚ ਐਮਿਲੀ ਕਾਰ ਦੀਆਂ 3 ਪੇਂਟਿੰਗਸ ਸ਼ਾਮਿਲ ਸਨ।
ਇਸ ਤੋਂ ਇਲਾਵਾ ਡੇਵਿਡ ਬਲੈਕਵੁਡ ਦੀ ਇੱਕ ਵਾਟਰਕਲਰ ਪੇਂਟਿੰਗ ਵੀ ਇਸ ਦਾ ਹਿੱਸਾ ਸੀ।
ਪੁਲਿਸ ਦਾ ਕਹਿਣਾ ਸੀ ਕਿ ਮਾਲਿਕ ਨੂੰ ਉਸ ਵੇਲੇ ਸ਼ੱਕ ਹੋਇਆ ਜਦ ਗੈਲਰੀ ਬੰਦ ਕਰ ਦਿੱਤੀ ਗਈ ਅਤੇ ਡੀਲਰ ਨੇ ਉਨ੍ਹਾਂ ਨਾਲ ਸਾਰੇ ਕੰਟੈਕਟ ਖਤਮ ਕਰ ਦਿੱਤੇ।
ਜਾਂਚ ਅਧਿਕਾਰੀਆਂ ਨੂੰ ਬਾਅਦ 'ਚ ਪਤਾ ਲੱਗਾ ਕਿ ਹੋਰ ਪੀੜਤਾਂ ਦੀ ਵੀ ਅਜਿਹੀ ਕਹਾਣੀ ਸੀ।
ਮੀਡੀਆ ਰਿਪੋਰਟਸ ਅਨੁਸਾਰ ਇਹ ਜਾਂਚ ਓਕ ਬੇਅ ਸਥਿਤ ਵਿਨਚੈਸਟਰ ਗੈਲਰੀ ਨਾਲ ਸੰਬੰਧਤ ਹੈ।
ਜਾਂਚ ਅਧਿਕਾਰੀਆਂ ਨੇ ਕੁੱਲ 3 ਸਟੋਰੇਜ ਸਾਈਟਸ 'ਤੇ ਤਲਾਸ਼ੀ ਵਰੰਟਾਂ ਨੂੰ ਅੰਜਾਮ ਦਿੱਤਾ।
ਇਹ ਸਟੋਰੇਜ ਸਾਈਟਸ ਸਾਨੀਚ, ਓਕ ਬੇਅ ਤੇ ਲੈਂਗਫੋਰਡ 'ਚ ਸਥਿਤ ਸੀ।
ਇਨ੍ਹਾਂ ਥਾਵਾਂ 'ਤੇ 1,000 ਤੋਂ ਵਧੇਰੇ ਪੀਸ ਲੋਕੇਟ ਹੋਏ ਅਤੇ ਜਬਤ ਕਰ ਲਏ ਗਏ।
ਇਸ 'ਚ ਸਾਨੀਚ ਵਿੱਚ 600 ਪੀਸ, ਓਕ 'ਚ 100 ਤੋਂ ਵਧੇਰੇ ਪੀਸ ਅਤੇ ਲੈਂਗਫੋਰਡ 'ਚ 300 ਤੋਂ ਵਧੇਰੇ ਪੀਸ ਜਬਤ ਕੀਤੇ ਗਏ।
ਆਰਟ ਡੀਲਰ ਨੂੰ 21 ਅਪ੍ਰੈਲ ਨੂੰ ਗ੍ਰਿਫਤਾਰ ਕੀਤਾ ਗਿਆ।
ਉਸ ਨੂੰ ਕੋਰਟ ਦੀ ਤਰੀਕ ਤਕ ਰਿਹਾਅ ਕਰ ਦਿੱਤਾ ਗਿਆ ਹੈ।
