14.71C Vancouver 14.71C VancouverSep 29, 2022 12:15 AM - Connect News
ਪ੍ਰੀਮਿਅਰ ਜੌਨ ਹੌਰਗਨ ਨੇ ਅੱਜ ਇੱਕ ਬਿਆਨ ਜਾਰੀ ਕਰ ਦੱਸਿਆ ਹੈ ਕਿ ਮੰਤਰੀ ਮੈਲਨੀ ਮਾਰਕ ਨੇ ਉਨ੍ਹਾਂ ਨੂੰ ਕੈਬਿਨੇਟ ਪੋਰਟਫੋਲੀਓ ਤੋਂ ਅਸਤੀਫਾ ਦੇਣ ਸੰਬੰਧੀ ਜਾਣਕਾਰੀ ਦਿੱਤੀ ਹੈ।
ਹੌਰਗਨ ਅਨੁਸਾਰ ਮੈਲਨੀ ਮਾਰਕ ਮੈਡਿਕਲ ਛੁੱਟੀ 'ਤੇ ਜਾ ਰਹੀ ਹਨ।
ਹੌਰਗਨ ਨੇ ਦੱਸਿਆ ਕਿ ਮੈਲਨੀ ਮਾਰਕ ਕੁਝ ਅਰਜੈਂਟ ਨਿਜੀ ਮਸਲਿਆਂ 'ਤੇ ਧਿਆਨ ਦੇਣਾ ਚਾਹੁੰਦੀ ਹਨ।
ਪ੍ਰੀਮਿਅਰ ਹੌਰਗਨ ਨੇ ਕਿਹਾ ਕਿ ਉਹ ਮੈਲਨੀ ਮਾਰਕ ਨੂੰ ਕੈਬਿਨੇਟ ਟੇਬਲ 'ਤੇ ਮਿਸ ਕਰਨਗੇ ਪਰ ਨਾਲ ਹੀ ਕਿਹਾ ਕਿ ਉਹ ਇਸ ਫੈਸਲੇ ਦਾ ਸਨਮਾਨ ਕਰਦੇ ਹਨ।
ਹੌਰਗਨ ਨੇ ਜਾਣਕਾਰੀ ਦਿੱਤੀ ਕਿ ਉਨ੍ਹਾਂ ਸਿਟੀਜਨਸ ਸਰਵਿਸਿਸ ਮੰਤਰੀ ਲਿਜ਼ਾ ਬੇਅਰ ਨੂੰ ਟੂਰਿਜ਼ਮ, ਆਰਟਸ, ਕਲਚਰ ਅਤੇ ਸਪੋਰਟ ਮੰਤਰਾਲਾ ਸੰਭਾਲਣ ਦੀ ਜਿੰਮੇਵਾਰੀ ਸੌਂਪੀ ਹੈ।
ਇਹ ਫੈਸਲਾ ਤੁਰੰਤ ਪ੍ਰਭਾਵ ਨਾਲ ਲਾਗੂ ਹੋਣ ਜਾ ਰਿਹਾ ਹੈ।
ਇਸ ਸੰਬੰਧੀ ਮੈਲਨੀ ਮਾਰਕ ਨੇ ਵੀ ਇੱਕ ਟਵੀਟ ਕਰ ਜਾਣਕਾਰੀ ਸਾਂਝੀ ਕੀਤੀ।
