25.8C Vancouver 25.8C VancouverJul 18, 2025 12:20 PM - The Canadian Press
ਬੀਸੀ ਸਰਕਾਰ ਨੇ 10 ਸਾਲਾ ਲੜਕੀ ਚਾਰਲੀ ਪੋਲਕ ਦੇ ਇਲਾਜ ਲਈ ਫੰਡਿੰਗ ਬਹਾਲ ਕਰ ਦਿੱਤੀ ਹੈ, ਜੋ ਅਜਿਹੀ ਅਜੀਬ ਬਿਮਾਰੀ ਨਾਲ ਪੀੜਤ ਹੈ ਜਿਸ ਦਾ ਕੇਸ ਕੋਈ ਵਿਰਲਾ ਹੀ ਹੁੰਦਾ ਹੈ।
ਸਿਹਤ ਮੰਤਰੀ ਜੋਸੀ ਓਸਬੋਰਨ ਨੇ ਵੀਰਵਾਰ ਸ਼ਾਮ ਫੰਡਿੰਗ ਬਹਾਲ ਕਰਨ ਦਾ ਐਲਾਨ ਕੀਤਾ। ਇਹ ਬੱਚੀ ਬੈਟਨ ਬਿਮਾਰੀ ਨਾਲ ਜੂਝ ਰਹੀ ਹੈ ਜਿਸ ਦੀ ਦਵਾਈ ਦਾ ਸਲਾਨਾ ਖਰਚ ਇੱਕ ਮਿਲੀਅਨ ਡਾਲਰ ਹੈ। ਸੂਬਾ ਸਰਕਾਰ ਨੇ ਪਹਿਲਾਂ ਦੁਰਲੱਭ ਬਿਮਾਰੀਆਂ ਲਈ ਮਹਿੰਗੀਆਂ ਦਵਾਈਆਂ ਨਾਲ ਸਬੰਧਤ ਕਮੇਟੀਆਂ ਦੀਆਂ ਸਿਫ਼ਾਰਸ਼ਾਂ ਦਾ ਹਵਾਲਾ ਦਿੰਦੇ ਲੜਕੀ ਦੇ ਇਲਾਜ ਲਈ ਕਵਰੇਜ ਵਧਾਉਣ ਤੋਂ ਇਨਕਾਰ ਕਰ ਦਿੱਤਾ ਸੀ।
ਪ੍ਰੀਮੀਅਰ ਡੇਵਿਡ ਈਬੀ ਨੇ ਬੀਤੇ ਕੱਲ ਹੀ ਸੰਕੇਤ ਦਿੱਤਾ ਸੀ ਕਿ ਦੁਨੀਆ ਭਰ ਦੇ ਇੱਕ ਦਰਜਨ ਤੋਂ ਵੱਧ ਬੈਟਨ ਬਿਮਾਰੀ ਦੇ ਮਾਹਰਾਂ ਤੋਂ ਪੱਤਰ ਪ੍ਰਾਪਤ ਕਰਨ ਤੋਂ ਬਾਅਦ ਸੂਬਾ ਆਪਣੇ ਰੁਖ 'ਤੇ ਮੁੜ ਵਿਚਾਰ ਕਰ ਰਿਹਾ ਹੈ। ਬੀਸੀ ਦੀ ਸਿਹਤ ਮੰਤਰੀ ਨੇ ਤਾਜ਼ਾ ਬਿਆਨ ਵਿਚ ਕਿਹਾ ਕਿ ਇਹ ਕਵਰੇਜ ਹੁਣ ਬੱਚੀ ਲਈ ਉਦੋਂ ਤੱਕ ਉਪਲਬਧ ਰਹੇਗੀ ਜਦੋਂ ਤੱਕ ਇਲਾਜ ਕਰਨ ਵਾਲਾ ਡਾਕਟਰ ਅਤੇ ਪਰਿਵਾਰ ਇਸ ਨੂੰ ਢੁਕਵਾਂ ਸਮਝੇਗਾ।
10 ਸਾਲਾ ਚਾਰਲੀ ਪੋਲੌਕ ਦੇ ਪਰਿਵਾਰ ਲਈ ਇਹ ਇੱਕ ਉਮੀਦ ਦੀ ਕਿਰਨ ਹੈ, ਜਿਸ ਦੀ ਬਿਮਾਰੀ ਦੇ ਮਹਿੰਗੇ ਇਲਾਜ ਲਈ ਫੰਡਿੰਗ ਬੰਦ ਕਰਨ ਦੇ ਫੈਸਲੇ ਨੂੰ ਲੈ ਕੇ ਈਬੀ ਸਰਕਾਰ ਦੀ ਕਈ ਮਹੀਨਿਆਂ ਤੋਂ ਤਿੱਖੀ ਆਲੋਚਨਾ ਹੋ ਰਹੀ ਸੀ।
