11.12C Vancouver 11.12C VancouverJun 5, 2020 3:37 PM -
ਇੰਡਿਜਿਨਸ ਸਰਵਿਸਜ਼ ਮਨਿਸਟਰ ਮਾਰਕ ਮਿੱਲਰ ਨੇ ਕੈਨੇਡਾ ਵਿੱਚ ਇੰਡੀਜੀਨਸ ਲੋਕਾਂ ਦੇ ਵਿਰੁੱਧ ਪੁਲਿਸ ਵੱਲੋਂ ਕੀਤੀ ਜਾ ਰਹੀ ਹਿੰਸਾ ਨੂੰ ਲੈਕੇ ਨਾਰਾਜ਼ਗੀ ਦਾ ਪ੍ਰਗਟਾਵਾ ਕੀਤਾ ਹੈ।
ਮਿੱਲਰ ਨੇ ਕਿਹਾ ਕਿ ਕੈਨੇਡਾ ਨੂੰ ਇਸ ਚੀਜ਼ ਦਾ ਹਿਸਾਬ ਲਾਉਣਾ ਚਾਹੀਦਾ ਹੈ ਕਿਉਂਕਿ ਫਰਸਟ ਨੇਸ਼ਨਜ਼, ਮੈਟੀ ਅਤੇ ਇਨੂਯਟ ਲੋਕਾਂ ਖ਼ਿਲਾਫ਼ ਪੁਲਿਸ ਦੀ ਬੇਰਹਿਮੀ ਦੀਆਂ ਵਾਰਦਾਤਾਂ ਵਾਰ ਵਾਰ ਹੁੰਦੀਆਂ ਆਈਆਂ ਹਨ।
ਮਿੱਲਰ ਮੁਤਾਬਕ ਉਹ ਸੋਮਵਾਰ ਰਾਤ ਨੂੰ ਨੁਨਾਵਿਟ ਵਿੱਚ ਸੜਕ ਤੇ ਤੁਰ ਰਹੇ ਇੱਕ ਇਨੁਕ ਆਦਮੀ ਵਿੱਚ ਆਰ.ਸੀ.ਐੱਮ.ਪੀ. ਅਫਸਰ ਵੱਲੋਂ ਗੱਡੀ ਦਾ ਦਰਵਾਜ਼ਾ ਮਾਰਨ ਦੀ ਵੀਡੀਓ ਦੇਖਣ ਤੋਂ ਬਾਅਦ ਬੇਹੱਦ ਨਾਰਾਜ਼ ਹਨ।
ਮਿੱਲਰ ਨੇ ਕਿਹਾ ਕਿ ਇਹ ਗੱਲ ਉਨ੍ਹਾਂ ਦੀ ਸਮਝ ਤੋਂ ਬਾਹਰ ਹੈ ਕਿ ਐਡਮੰਡਸਟਨ, ਨਿਊ ਬਰਨਜ਼ਵਿੱਕ ਵਿੱਚ 26 ਸਾਲਾ ਸ਼ੰਟੈਲ ਮੂਅਰ ਦੀ ਸਲਾਮਤੀ ਯਕੀਨੀ ਬਣਾਉਣ ਲਈ ਗਈ ਪੁਲਿਸ ਕਿਸ ਤਰ੍ਹਾਂ ਉਸ ਦੀ ਗੋਲੀ ਮਾਰ ਕੇ ਜਾਨ ਲੈ ਸਕਦੀ ਹੈ।
ਮਿੱਲਰ ਮੁਤਾਬਕ ਉਨ੍ਹਾਂ ਨੇ ਇੰਡੀਜੀਨਸ ਲੋਕਾਂ ਵਿੱਚ ਪੁਲਿਸ ਦੇ ਡਰ ਨੂੰ ਅੱਖੀਂ ਦੇਖਿਆ ਹੈ ਅਤੇ ਇੱਕ ਗੋਰੇ ਆਦਮੀ ਹੋਣ ਦੇ ਨਾਤੇ ਉਹ ਇਸ ਡਰ ਨੂੰ ਕਦੇ ਮਹਿਸੂਸ ਨਹੀਂ ਕਰ ਸਕਣਗੇ।
ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਵਾਰਦਾਤਾਂ ਵਿੱਚ ਜਲਦ ਤੋਂ ਜਲਦ ਜਵਾਬ ਲੱਭਣ ਲਈ ਪੂਰੀ ਜਾਂਚ ਦੀ ਲੋੜ ਹੈ ਅਤੇ ਇੱਕ ਦੇਸ਼ ਵਜੋਂ ਕੈਨੇਡਾ ਨੂੰ ਸਖਤ ਧਿਆਨ ਦੇਣ ਦੀ ਜ਼ਰੂਰਤ ਹੈ ਕਿ ਅਜਿਹਾ ਕਿਉਂ ਹੋ ਰਿਹਾ ਹੈ।
