27.77C Vancouver 27.77C VancouverMay 29, 2020 3:26 PM -
ਪੁਲਿਸ ਦੀ ਹਿਰਾਸਤ ਵਿੱਚ ਮਾਰੇ ਗਏ ਆਦਮੀ ਦੀ ਮੌਤ ਤੇ ਰੋਸ ਦਾ ਪ੍ਰਗਟਾਵਾ ਕਰ ਰਹੇ ਮੁਜ਼ਾਹਰਾਕਾਰੀਆਂ ਵੱਲੋਂ ਮਿੰਨੀਐਪਲੱਸ ਵਿੱਚ ਵਿਭਾਗ ਵਲੋਂ ਖਾਲੀ ਕਰ ਦਿੱਤੇ ਗਏ ਪੁਲਿਸ ਸਟੇਸ਼ਨ ਨੂੰ ਅੱਗ ਲਾ ਦਿੱਤੀ ਗਈ ਹੈ।
ਤਿੰਨ ਰਾਤਾਂ ਤੋਂ ਲਗਾਤਾਰ ਚੱਲ ਰਹੇ ਹਿੰਸਕ ਪ੍ਰਦਰਸ਼ਨਾਂ ਦਾ ਸਿਲਸਿਲਾ ਵੀਰਵਾਰ ਰਾਤ ਨੂੰ ਵੀ ਜਾਰੀ ਰਿਹਾ।
ਨੈਸ਼ਨਲ ਗਾਰਡ ਮੈਂਬਰ ਲੁੱਟ ਮਾਰ ਦੀਆਂ ਵਾਰਦਾਤਾਂ ਨੂੰ ਰੋਕਣ ਲਈ ਸ਼ਹਿਰ ਭਰ ਵਿੱਚ ਮੌਜੂਦ ਹਨ।
ਮੈਮੋਰੀਅਲ ਡੇਅ ਵਾਲੇ ਦਿਨ ਇੱਕ ਗਰੋਸਰੀ ਸਟੋਰ ਦੇ ਬਾਹਰ ਗ੍ਰਿਫ਼ਤਾਰੀ ਦੌਰਾਨ ਇੱਕ ਪੁਲੀਸ ਅਫ਼ਸਰ ਨੇ ਜੌਰਜ ਫਲੌਇਡ ਨੂੰ ਜ਼ਮੀਨ ਤੇ ਸੁੱਟਕੇ ਉਸ ਦੇ ਗਲੇ ਤੇ ਤਕਰੀਬਨ 8 ਮਿੰਟਾਂ ਲਈ ਗੋਡਾ ਰੱਖਿਆ ਹੋਇਆ ਸੀ।
ਵਾਰਦਾਤ ਦੀ ਵਿਡਿਓ ਵਿੱਚ ਫਲੌਇਡ ਅਫਸਰ ਨੂੰ ਕਹਿੰਦਾ ਦੇਖਿਆ ਜਾ ਸਕਦਾ ਹੈ ਕਿ ਉਸ ਨੂੰ ਸਾਹ ਲੈਣ ਵਿਚ ਤਕਲੀਫ ਹੋ ਰਹੀ ਹੈ ਅਤੇ ਕੁਝ ਮਿੰਟਾਂ ਬਾਅਦ ਉਸ ਨੇ ਬੋਲਣਾ ਅਤੇ ਸਾਹ ਲੈਣਾ ਬੰਦ ਕਰ ਦਿੱਤਾ ਸੀ।
ਮਿੰਨੀਐਪਲੱਸ ਦੇ ਮੇਅਰ ਜੇਕਬ ਫਰੇ ਨੇ ਪ੍ਰਦਰਸ਼ਨਕਾਰੀਆਂ ਤੇ ਸਖਤੀ ਨਾ ਵਰਤਣ ਦੀ ਗੱਲ ਤੋਂ ਆਪਣੀ ਪੱਖ ਪੁਸ਼ਟੀ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਸੁਰੱਖਿਆ ਨੂੰ ਖਤਰਾ ਹੋਣ ਕਾਰਨ ਸਟਾਫ ਨੂੰ ਪੁਲਿਸ ਸਟੇਸ਼ਨ ਖਾਲੀ ਕਰਨ ਲਈ ਕਿਹਾ ਗਿਆ ਸੀ।
ਅਮਰੀਕਾ ਦੇ ਬਾਕੀ ਸ਼ਹਿਰਾਂ ਵਿੱਚ ਵੀ ਅਜਿਹੇ ਪ੍ਰਦਰਸ਼ਨ ਦੇਖਣ ਨੂੰ ਮਿਲ ਰਹੇ ਹਨ।
ਨਿਊਯੌਰਕ ਦੇ ਵਿੱਚ ਵੀ ਪ੍ਰਦਰਸ਼ਨਕਾਰੀਆਂ ਦੀ ਮੁੱਠ ਭੇੜ ਪੁਲਿਸ ਨਾਲ ਹੋਈ, ਡੈਨਵਰ ਅਤੇ ਕੋਲੰਬਸ ਵਿੱਚ ਮੁਜ਼ਾਹਰਾਕਾਰੀਆਂ ਨੇ ਡਾਊਨਟਾਊਨ ਵਿੱਚ ਆਵਾਜਾਈ ਨੂੰ ਰੋਕੀ ਰੱਖਿਆ।
ਲੌਸ ਏਂਜਲਸ ਅਤੇ ਮੈਂਮਫਿਸ ਦੀਆਂ ਸੜਕਾਂ ਤੇ ਵੀ ਰੋਸ ਮੁਜ਼ਾਹਰੇ ਕੀਤੇ ਗਏ।
