ਸੇਂਟ ਪੌਲ 'ਚ 15 ਸਾਲਾ ਲੜਕੀ ਨੂੰ ਜ਼ਖਮੀ ਕਰਨ ਦੇ ਦੋਸ਼ ਵਿਚ 18 ਸਾਲਾ ਨੌਜਵਾਨ ਚਾਰਜ

ਐਲਬਰਟਾ ਦੇ ਸੇਂਟ ਪੌਲ ਵਿਚ ਸ਼ਨੀਵਾਰ ਇਕ ਟਰੱਕ ਨਾਲ ਟਕਰਾਉਣ ਕਾਰਨ 15 ਸਾਲਾ ਲੜਕੀ ਜ਼ਖਮੀ ਹੋ ਗਈ। ਸੇਂਟ ਪੌਲ ਆਰ.ਸੀ.ਐਮ.ਪੀ. ਨੇ ਬੀਤੇ ਦਿਨ ਜਾਣਕਾਰੀ ਦਿੱਤੀ ਕਿ ਤੜਕੇ ਕਰੀਬ 3 ਵਜੇ 5001 52 ਸਟ੍ਰੀਟ ਦੇ 7-ਇਲੈਵਨ ਸੁਵਿਧਾ ਸਟੋਰ ਕੋਲ ਇਹ ਹਾਦਸਾ ਵਾਪਰਿਆ। ਪੁਲਿਸ ਨੂੰ ਲੜਕੀ ਜ਼ਮੀਨ 'ਤੇ ਜ਼ਖਮੀ ਹਾਲਤ ਵਿਚ ਡਿੱਗੀ ਮਿਲੀ।

ਦੱਸਿਆ ਜਾ ਰਿਹਾ ਹੈ ਕਿ ਲੜਕੀ ਅਤੇ ਟਰੱਕ ਡਰਾਈਵਰ ਇਕ-ਦੂਜੇ ਨੂੰ ਜਾਣਦੇ ਸਨ। ਟੱਕਰ ਮਾਰਨ ਮਗਰੋਂ 18 ਸਾਲਾ ਡਰਾਈਵਰ ਉੱਥੋਂ ਫਰਾਰ ਹੋ ਗਿਆ ਸੀ।ਪੈਰਾਮੈਡਿਕਸ ਨੇ ਲੜਕੀ ਨੂੰ ਗੰਭੀਰ ਜ਼ਖਮੀ ਹਾਲਤ ਵਿਚ ਯੂਨੀਵਰਸਿਟੀ ਆਫ਼ ਐਲਬਰਟਾ ਹਸਪਤਾਲ ਵਿਚ ਦਾਖਲ ਕਰਵਾਇਆ।

ਪੁਲਿਸ ਨੇ ਕਈ ਗਵਾਹਾਂ ਕੋਲੋਂ ਪੁੱਛ-ਪੜਤਾਲ ਕੀਤੀ। ਪੁਲਿਸ ਨੇ ਫਰਾਗ ਲੇਕ ਦੇ ਰਹਿਣ ਵਾਲੇ 18 ਸਾਲਾ ਲੜਕੇ ਨੂੰ ਹਮਲਾ ਕਰਨ, ਹਾਦਸੇ ਮਗਰੋਂ ਰੁਕਣ ਵਿਚ ਅਸਫਲ ਰਹਿਣ, ਪ੍ਰੋਪਰਟੀ ਨੂੰ ਨੁਕਸਾਨ ਪਹੁੰਚਾਉਣ ਅਤੇ $5,000 ਦੀ ਸ਼ਰਾਰਤ ਦੇ ਦੋਸ਼ ਵਿਚ ਚਾਰਜ ਕੀਤਾ ਹੈ।