14.23C Vancouver 14.23C VancouverMay 13, 2025 1:13 PM - The Canadian Press
ਉੱਤਰ-ਪੱਛਮੀ ਐਲਬਰਟਾ ਦੇ ਕਲੀਅਰ ਹਿਲਜ਼ ਕਾਉਂਟੀ ਇਲਾਕੇ ਵਿਚ ਬੀਤੀ ਰਾਤ ਲਾਪਤਾ ਹੋਇਆ ਦੋ ਸਾਲਾ ਬੱਚਾ ਸੁਰੱਖਿਅਤ ਮਿਲ ਗਿਆ ਹੈ। ਖੋਜ ਅਤੇ ਬਚਾਅ ਹੈਲੀਕਾਪਟਰ ਟੀਮ ਨੇ ਉਸ ਦਾ ਪਤਾ ਲਗਾਇਆ। ਉਹ ਘਰ ਤੋਂ ਕਰੀਬ 1 ਕਿਲੋਮੀਟਰ ਦੂਰ ਚਲਾ ਗਿਆ ਸੀ। ਗ੍ਰੈਂਡ ਪ੍ਰੈਰੀ ਪੁਲਿਸ ਨੂੰ ਐਤਵਾਰ ਰਾਤ ਕਰੀਬ 10.25 ਵਜੇ ਬੱਚੇ ਦੇ ਲਾਪਤਾ ਹੋਣ ਦੀ ਰਿਪੋਰਟ ਮਿਲੀ ਸੀ। ਬਹੁਤ ਸਾਰੇ ਪੁਲਿਸ ਅਧਿਕਾਰੀ ਅਤੇ ਸਰਚ ਟੀਮਾਂ ਉਸ ਨੂੰ ਲੱਭਣ ਲਈ ਲੱਗੀਆਂ ਰਹੀਆਂ।
ਔਫੀਸਰਜ਼ ਮੁਤਾਬਕ ਇਲਾਕੇ ਦੇ ਕਰੀਬ 100 ਵਲੰਟੀਅਰਜ਼ ਵੀ ਪੂਰੀ ਰਾਤ ਬੱਚੇ ਦੀ ਭਾਲ ਕਰਦੇ ਰਹੇ। ਸਵੇਰੇ ਕਰੀਬ 6 ਵਜੇ ਹੈਲੀਕਾਪਟਰ ਟੀਮ ਨੂੰ ਬੱਚਾ ਦਿਖਾਈ ਦਿੱਤਾ। ਉਹ ਬਿਲਕੁਲ ਤੰਦਰੁਸਤ ਹੈ ਅਤੇ ਪਰਿਵਾਰ ਨੂੰ ਸੌਂਪ ਦਿੱਤਾ ਗਿਆ ਹੈ।
