14.32C Vancouver 14.32C VancouverJul 7, 2021 10:21 AM -
ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੀ ਕੈਬਿਨੇਟ ਵਿੱਚ ਅੱਜ ਐੱਸਸੀ, ਐੱਸਟੀ ਭਾਈਚਾਰੇ ਦੇ ਮੈਂਬਰਾਂ ਦੀ ਪ੍ਰਧਾਨਗੀ ਕਰਨ ਵਾਲੇ ਵੱਧ ਮੈਂਬਰਾਂ ਨਾਲ,43 ਨਵੇਂ ਮੈਂਬਰ, ਸ਼ਾਮ ਨੂੰ ਸਹੁੰ ਚੁੱਕਣਗੇ।
ਭਰੋਸੇਯੋਗ ਸੂਤਰਾਂ ਮੁਤਾਬਕ, ਕੈਬਿਨੇਟ ਦਾ ਵਿਸਥਾਰ ਕਰਨ ਤੋਂ ਬਾਅਦ, ਐੱਸਸੀ ਭਾਈਚਾਰੇ ਦੇ 12 ਮੈਂਬਰ ਹੋਣਗੇ, ਜਿਸ ਵਿੱਚ ਕੈਬਿਨੇਟ ਦੇ ਮੌਜੂਦਾ 2 ਮੈਂਬਰ ਸ਼ਾਮਲ ਹਨ; ਵਜ਼ਾਰਤ ਵਿੱਚ 8 ਮੈਂਬਰ ਅਨੁਸੂਚਿਤ ਜਾਤੀ ਦੇ ਹੋਣਗੇ, ਜਿਨ੍ਹਾਂ ਵਿੱਚੋਂ 3 ਕੈਬਿਨੇਟ ਵਿੱਚ ਹੋਣਗੇ।
ਕੈਬਿਨੇਟ ਵਿਸਥਾਰ ਤੋਂ ਬਾਅਦ, ਮੋਦੀ ਸਰਕਾਰ 27 ਓਬੀਸੀ ਲੀਡਰਾਂ ਨੂੰ ਵੀ ਰੱਖੇਗੀ, ਜਿਹਨਾਂ ਵਿੱਚੋਂ ਪੰਜ ਕੈਬਿਨੇਟ 'ਚ ਹੋਣਗੇ।
ਸੂਤਰਾਂ ਮੁਤਾਬਕ ਕੈਬਿਨੇਟ ਵਿੱਚ ਕਾਫ਼ੀ ਵੱਡੇ ਪੱਧਰ 'ਤੇ ਪੇਸ਼ੇਵਰਾਂ ਦਾ ਵਾਧਾ ਹੋਵੇਗਾ।
"ਵਿਸਥਾਰ ਤੋਂ ਬਾਅਦ ਕੁਲ 13 ਵਕੀਲ, 6 ਡਾਕਟਰ, 5 ਇੰਜੀਨੀਅਰ ਅਤੇ 7 ਸਿਵਿਲ ਸੇਵਕ ਹੋਣਗੇ,"ਸੂਤਰਾਂ ਨੇ ਆਖਿਆ।
ਇਹ ਆਖਿਆ ਜਾ ਰਿਹਾ ਹੈ ਕਿ ਮੋਦੀ ਕੈਬਿਨੇਟ ਦੀ ਔਸਤਨ ਉਮਰ ਘਟਾਉਣ 'ਤੇ ਜ਼ਿਆਦਾ ਧਿਆਨ ਕੇਂਦਰਿਤ ਕੀਤਾ ਜਾ ਰਿਹਾ ਹੈ, ਵਿਸਥਾਰ ਤੋਂ ਬਾਅਦ, 14 ਮੰਤਰੀ 50 ਵਰ੍ਹਿਆਂ ਤੋਂ ਘੱਟ ਦੇ ਹੋਣਗੇ ਅਤੇ ਛੇ ਕੈਬਿਨੇਟ ਵਿੱਚ ਹੋਣਗੇ।
ਹਾਲਾਂਕਿ ਨਿਜ਼ਾਮੀਕ ਅਤੇ ਸੰਘੀ ਸਰਕਾਰ ਦੇ ਤਜ਼ਰਬੇ ਵਾਲੇ, 39 ਸਾਬਕਾ ਐਮਐੱਲਏ ਅਤੇ ਚਾਰ ਮੁੱਖ ਮੰਤਰੀ ਇਸ ਵਿਸਥਾਰਿਤ ਕੈਬਿਨੇਟ ਦਾ ਹਿੱਸਾ ਹੋਣਗੇ।
ਘੱਟ ਗਿਣਤੀ ਭਾਈਚਾਰਿਆਂ ਦੇ ਲੀਡਰ ਵੀ ਮੁੜ ਵੱਡੇ ਪੱਧਰ 'ਤੇ ਆਪਣੇ ਭਾਈਚਾਰਿਆਂ ਦੀ ਨੁਮਾਇੰਦਗੀ ਕਰਨਗੇ।
ਦੱਸਣਯੋਗ ਹੈ ਕਿ ਈਸਾਈ, ਮੁਸਲਮਾਨ ਅਤੇ ਸਿੱਖ ਭਾਈਚਾਰਿਆਂ 'ਚੋਂ ਇੱਕ-ਇੱਕ ਅਤੇ ਦੋ ਬੋਧੀ ਮੈਂਬਰ ਇਸ ਵਿੱਚ ਸ਼ਾਮਲ ਹੋਣਗੇ।
ਇਸ ਤੋਂ ਅਲਾਵਾ ਉੱਤਰ-ਪੂਰਬ ਤੋਂ ਵੀ ਕੁਲ ਪੰਜ ਮੰਤਰੀ ਹੋਣਗੇ।
ਜ਼ਿਕਰਯੋਗ ਹੈ ਕਿ ਇਸ ਕੈਬਿਨੇਟ ਵਿਸਥਾਰ ਤੋਂ ਪਹਿਲਾਂ ਹੀ ਕਿਰਤ ਮੰਤਰੀ ਸੰਤੋਸ਼ ਗੰਗਵਾੜ ਅਤੇ ਸਿੱਖਿਆ ਮੰਤਰੀ ਡਾ. ਰਮੇਸ਼ ਪੋਖਰੀਆਲ ਨਿਸ਼ੰਕ ਨੇ ਕੇਂਦਰੀ ਕੈਬਿਨੇਟ ਤੋਂ ਅਸਤੀਫ਼ਾ ਦੇ ਦਿੱਤਾ ਹੈ।
