11.12C Vancouver 11.12C VancouverMay 14, 2020 6:08 PM -
ਕਿਊਬੈੱਕ ਸਰਕਾਰ ਵੱਲੋਂ ਮਾਂਟਰੀਅਲ ਇਲਾਕੇ ਦੇ ਸਕੂਲਾਂ ਨੂੰ ਅਗਸਤ ਜਾਂ ਸਤੰਬਰ ਵਿੱਚ ਦੁਬਾਰਾ ਖੋਲ੍ਹਣ ਦਾ ਐਲਾਨ ਕੀਤਾ ਗਿਆ ਹੈ।
ਪ੍ਰੀਮੀਅਰ ਫਰਾਂਸੋਆ ਲੀਗੋ ਮੁਤਾਬਕ ਮਾਂਟਰੀਆਲ ਦੇ ਵਿੱਚ ਕੋਵਿਡ-19 ਦੀਆਂ ਜਨਤਕ ਸਿਹਤ ਸਥਿਤੀਆਂ ਨੂੰ ਦੇਖਦਿਆਂ ਇਹ ਫ਼ੈਸਲਾ ਲਿਆ ਗਿਆ ਹੈ।
ਮਾਂਟਰੀਅਲ ਇਲਾਕੇ ਵਿੱਚ ਪਹਿਲਾਂ ਸਕੂਲਾਂ, ਡੇਅ ਕੇਅਰ ਅਤੇ ਵਪਾਰਾਂ ਨੂੰ 25 ਮਈ ਨੂੰ ਖੋਲ੍ਹਿਆ ਜਾਣਾ ਸੀ ਪਰ ਹੁਣ ਇਲਾਕੇ ਦੇ ਡੇਅ ਕੇਅਰ 1 ਜੂਨ ਤੋਂ ਦੁਬਾਰਾ ਖੁੱਲ੍ਹਣਗੇ।
ਰਿਟੇਲ ਵਪਾਰਾਂ ਦਾ ਖੁੱਲ੍ਹਣਾ ਫ਼ਿਲਹਾਲ ਪੱਕੇ ਤੌਰ ਤੇ ਨਿਰਧਾਰਤ ਨਹੀਂ ਕੀਤਾ ਗਿਆ।
ਸਿਹਤ ਅਧਿਕਾਰੀਆਂ ਮੁਤਾਬਕ ਅੱਜ ਕਿਊਬੈੱਕ ਵਿੱਚ ਕੋਵਿਡ-19 ਦੇ 793 ਨਵੇਂ ਮਾਮਲੇ ਸਾਹਮਣੇ ਆਏ ਹਨ ਅਤੇ 131 ਹੋਰ ਵਿਅਕਤੀ ਦਮ ਤੋੜ ਗਏ ਹਨ।
