20.86C Vancouver 20.86C VancouverJun 8, 2020 3:18 PM -
ਕੋਵਿਡ -19 ਮਹਾਂਮਾਰੀ ਤੋਂ ਉਭਰਨ ਵਿੱਚ ਮਦਦ ਵਾਸਤੇ ਮੌਂਟਰੀਆਲ ਦੇ ਛੋਟੇ ਅਤੇ ਦਰਮਿਆਨੇ ਵਪਾਰਾਂ ਨੂੰ ਸੂਬਾਈ ਅਤੇ ਫੈਡਰਲ ਸਰਕਾਰਾਂ ਵੱਲੋਂ $50 ਮਿਲੀਅਨ ਦਾ ਵਿੱਤੀ ਸਹਿਯੋਗ ਪ੍ਰਦਾਨ ਕੀਤਾ ਜਾਵੇਗਾ।
ਇਸ ਫੰਡਿੰਗ ਦੀ ਪੁਸ਼ਟੀ ਸੋਮਵਾਰ ਨੂੰ ਫੈਡਰਲ ਇਕੌਨਮਿਕ ਡਿਵੈਲਪਮੈਂਟ ਮਨਿਸਟਰ ਮੈਲਨੀ ਜੋਲੀ, ਸੂਬਾਈ ਇਕੌਨਮੀ ਐਂਡ ਇਨੋਵੇਸ਼ਨ ਮਨਿਸਟਰ ਪੀਅਰ ਫਿਟਜ਼ਗਿੱਬਨ ਅਤੇ ਮੌਂਟਰੀਆਲ ਦੇ ਮੇਅਰ ਵੈਲੇਰੀ ਪਲਾਂਟ ਨੇ ਕੀਤੀ।
ਇਸ ਰਕਮ ਅਧੀਨ $40,000 ਤੱਕ ਦੇ ਘੱਟ ਇੰਟਰਸਟ ਵਾਲੇ ਲੋਨ ਅਤੇ ਗ੍ਰਾਂਟਾਂ ਰਾਹੀਂ ਜ਼ਿਆਦਾਤਰ ਡਾਊਨਟਾਊਨ ਵਿੱਚ ਸਥਿਤ ਵਪਾਰਾਂ ਨੂੰ ਸਹਿਯੋਗ ਮਿਲੇਗਾ।
ਇਸ ਵਿੱਚ $30 ਮਿਲੀਅਨ ਫੈਡਰਲ ਸਰਕਾਰ ਦੇ ਕੋਵਿਡ -19 ਰੀਜਨਲ ਰਿਲੀਫ ਫੰਡ ਵਿੱਚੋਂ ਅਤੇ $20 ਮਿਲੀਅਨ ਕਿਊਬੈਕ ਦੇ ਮੌਂਟਰੀਆਲ ਲਈ ਨਿਰਧਾਰਤ ਫੰਡ ਵਿੱਚੋਂ ਮੁਹਈਆ ਕਰਵਾਇਆ ਜਾਵੇਗਾ।
ਇਸ ਪ੍ਰੋਗਰਾਮ ਲਈ ਰਿਟੇਲ ਸਟੋਰ, ਰੈਸਟੋਰੈਂਟ ਅਤੇ ਸੱਭਿਆਚਾਰਕ ਖੇਤਰ ਵੀ ਯੋਗ ਹੋਣਗੇ।
ਮੌਂਟਰੀਆਲ ਸ਼ਹਿਰ ਨੂੰ ਕੋਵਿਡ -19 ਨੇ ਸਭ ਤੋਂ ਵੱਧ ਪ੍ਰਭਾਵਤ ਕੀਤਾ ਹੈ ਅਤੇ ਹੁਣ ਤੱਕ 26,000 ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
