17.28C Vancouver 17.28C VancouverOct 17, 2025 6:11 PM - Connect Newsroom
ਮਾਂਟਰੀਅਲ ਦੇ ਇਕ ਵਿਅਕਤੀ ਨੇ ਪਾਰਟੀ ਕਿਊਬੈਕਵਾ ਦੇ ਆਗੂ ਪੌਲ ਸੇਂਟ-ਪੀਅਰੇ ਪਲੈਮੰਡਨ ਅਤੇ ਉਸ ਦੇ ਪਰਿਵਾਰ ਨੂੰ ਜਾਨੋ ਮਾਰਨ ਦੀਆਂ ਧਮਕੀਆਂ ਦੇਣ ਦਾ ਦੋਸ਼ੀ ਮੰਨਿਆ ਹੈ।
ਅਦਾਲਤੀ ਰਿਕਾਰਡਾਂ ਮੁਤਾਬਕ, 42 ਸਾਲਾ ਫਿਲਿਪ ਕਲੇਮੈਂਟ-ਲੇਬਰਜ ਨੇ ਮੰਗਲਵਾਰ ਨੂੰ ਮਾਂਟਰੀਅਲ ਅਦਾਲਤ ਵਿੱਚ ਪਟੀਸ਼ਨ ਦਾਇਰ ਕੀਤੀ। ਇਹ ਧਮਕੀਆਂ ਮਾਰਚ 2024 ਦੇ ਸ਼ੁਰੂ ਵਿੱਚ ਦਿੱਤੀਆਂ ਗਈਆਂ ਸਨ, ਜਿਸ ਤੋਂ ਬਾਅਦ ਪੁਲਿਸ ਨੇ ਜਾਂਚ ਕਰਕੇ ਉਸਨੂੰ ਗ੍ਰਿਫ਼ਤਾਰ ਕਰ ਲਿਆ ਸੀ।
ਸੇਂਟ-ਪੀਅਰੇ ਪਲੈਮੰਡਨ ਨੇ ਇਸ ਘਟਨਾ ਬਾਰੇ ਪਿਛਲੇ ਸਾਲ ਜਨਤਕ ਤੌਰ ‘ਤੇ ਗੱਲ ਕੀਤੀ ਸੀ, ਉਸ ਨੇ ਉਸ ਸਮੇਂ ਕਿਹਾ ਸੀ ਕਿ ਉਹ ਆਪਣੇ ਪਰਿਵਾਰ ਦੀ ਸੁਰੱਖਿਆ ਲਈ ਚਿੰਤਤ ਸੀ ਪਰ ਨਿਆਂ ਪ੍ਰਣਾਲੀ ਤੇ ਭਰੋਸਾ ਰੱਖਦਾ ਹੈ।ਇਹ ਮਾਮਲਾ ਮੁੜ 9 ਮਾਰਚ 2026 ਨੂੰ ਅਦਾਲਤ ਵਿੱਚ ਸੁਣਵਾਈ ਲਈ ਪੇਸ਼ ਹੋਵੇਗਾ।
